Lucas 24:32 - Dios Rimashca Shimicunami

³² Chaimi paicunaca: –Quillcachishcacunata yuyachishpa, ñanpi ñucanchijman huillacushpaca ¿manachu ñucanchij shungutaca rupachij shina yuyachishpa rimarca?– nishpami, caishuj chaishuj ninacurcacuna.

Mushuj Testamento Diospaj Shimi

³² Pai ña mana ricurijpimi, paicunaca: —Dios Quillcachishcacunata ñanpi ñucanchijta Pai yuyachishpa rimashpaca, ¿manachu ñucanchijtaca, shunguman yaicujtamari rimarca?— ninacurca.

Lucas 24:32 Iomraidhean Croise

SALMOS 104:34

Ñuca pai munashcata yuyarishcaca mishquimari. Ñucaca Mandaj Diospimi cushicusha.

SALMOS 39:3

Ñuca shunguca, ñuca ucupica ruparircami. Ñuca yuyarinapica, ninami japirirca. Chaimi ñuca c'alluhuanca cashna nircani:

PROVERBIOS 27:17

Fierrotaca fierrollahuantajmi puntajllata rurarin. Runatapish paihuan apanacujmi cushijllata ruran.

PROVERBIOS 27:9

Mishquijllata ashnaj sumaj jambicunahuan churarishcaca, shunguta cushichinmi. Alli apanacuj runa sumajta cunashcacarin, yuyaitamari cushichin.

ISAÍAS 50:4

Shaicushcacunata sumaj shimicunahuan samachichunca Mandaj Jatun Diosca ñucamanca yachaisapacunapaj c'allutami curca. Tucui tutamantacunami ñucataca rijchachin. Yachacuj shina uyachunmi ñuca rinrintapish rijchachin.

JEREMÍAS 15:16

Tucuita Mandaj Dioslla, ñucaca canhuanmi casha nihuarcanguimari. Chaimantamari cambaj shimicunata ñucaman cujpica, cushicushpa ñuca shungupi chasquij carcani. Cambaj shimi uyarijpica, japishcahuanmari micuj carcani.

JEREMÍAS 20:9

Ñucaca: “Mandaj Diostaca mana ashtahuan yuyarishpa, paimanta ña ama ashtahuan huillasha” yuyarcanipishmi. Shina cajpipish cambaj shimica ñuca shungupica, tullucama nina rupachij shinami tucurca. Ñuca shungullapi charisha yuyashpapish manataj upajlla saquiri tucurcanichu.

JEREMÍAS 23:29

Mandaj Diosca cashnapishmi nin: “Ñuca huillachishca shimicunaca nina shinami. Yacu rumitapish p'aquij martillo shinapishmi.

Marcos 4:34

Yuyachij parlocuna illajllaca mana parlarcachu. Chai parlocuna imata nisha nishcataca paipaj yachacujcunallamanmi alli huillarca.

Lucas 24:45

Chashna nishpami Quillcachishcacunata alli entendichun, paicunapaj yuyaicunata pascashpa,

Juan 6:63

Taita Diospaj Espiritumi causaita cujca, aichaca causaitaca mana cunchu. Cancunaman ñuca huillashca shimicunaca causaita cuj Espiritumi.

Hechos 28:23

Shujtaj punlla tandanacungapaj nishpa yuyarinacushca punllapi shamushpaca, pai pozacun huasimanmi achcacuna shamurcacuna. Chaipimi Pabloca tutamantamanta chishicama Dios mandacunta paicunamanca alli huillarca. Moisés Mandashcatapish, profetacuna huillashcatapish entendinallatami paicunamanca huillarca. Chaitaca paicunapish Jesusta crichunmi chashna huillarca.

Hebreos 4:12

Diospaj Shimica causajmi, tucuita rurai tucujmi. Ishqui filoyuj tucui espadacunatapish yalli cashcamanta: Almatapish, espiritutapish, mucucunatapish, tullu ñutcutapish, chaupirijta yaicujmi. Shungu imalla yuyashcata, munashcatapish ricuchijmi.