Lucas 24:29 - Dios Rimashca Shimicunami

²⁹ Chaimi paicunaca: –Ñucanchijhuan saquirilla, ñamari chishi, tutayacunmari– nishpa, mana cachashun nircacuna. Chaimi paicunahuan saquiringapaj yaicurca.

Mushuj Testamento Diospaj Shimi

²⁹ Shina cajpipish paicunaca, mana cachasha nishpami: —Shuyailla, ñamari chishi. Ña tutayacunpishmari— nircacuna. Chashna nijpi Jesusca, paicunahuan saquiringapaj yaicurcami.

Lucas 24:29 Iomraidhean Croise

GÉNESIS 19:3

Shina nijpipish Lotca paicunata jacupaichij nicujllapimi, paicunaca Lotpaj huasiman rircacuna. Chaipica sumaj micuita rurashpa, levadura illajlla tandata cusashpa carajpimi micurcacuna.

2 REYES 4:8

Shuj punlla Eliseo Sunem pueblota pasacujpica, tucuicuna rijsishca alli nishca shuj huarmimi Eliseotaca micushpa ripai nicushpalla, paipaj huasiman yaicuchirca. Eliseo chai pueblota pasacushpaca chai huarmipaj huasipi micushpami purij carca.

Lucas 14:23

amoca paipajta rurajtaca: “Mai ñancunata ricujcunata, pata huashata puricujcunata pushamushpa ñuca huasipi jundachun yaicuchimugri” nirca.

Lucas 24:28

Chaicamaca paicuna ricun pueblomanmi chayarcacuna. Ña chayashpaca Jesusca mai caruman ricuj shinami tucurca.

Lucas 24:30

Micungapaj ña tiyarishpaca, tandata japishpa Taita Diosta pagui nishpami, chaupishpa paicunaman curca.

Hechos 16:14

Chai huarmicunapurapica Tiatira pueblomanta Lidia shuti huarmimi ñucanchij huillashcataca uyacurca. Paica Taita Diosta adoraj, morado sumaj linsocunatapish c'atujmi carca. Pablo huillashcata chasquichunmi Mandaj Jesusca chai huarmipaj shunguta pascarca.