Lucas 24:26 - Dios Rimashca Shimicunami

²⁶ Cristoca sumaj llajtaman yaicushpa mandaj cangapajca ¿manachari llaquicunataraj apana nin?– nishpaca,

Mushuj Testamento Diospaj Shimi

²⁶ Quishpichij Cristoca sumajyachishca canapajca, ¿manachari llaquitaraj apana carcari?— nircami.

Lucas 24:26 Iomraidhean Croise

GÉNESIS 22:6

Chaimantaca Abrahamca, Taita Diosman cunata tucui rupachina yantataca paipaj churi Isaacman apachishpa cuchillotapish, ninatapish pai apashpami ishquindij rircacuna.

DANIEL 9:26

Sujta chunga ishqui semanacuna q'uipaca, Mesiaspaj causaitami quichunga. Paicuna quiquinllamantatajca mana huañuchingacunachu. Shamunapaj caj mandajpaj gentecunami Jerusalentapish, Diospaj huasitapish tucui urmachinga. Chaipica ima mana saquiringachu. Yacu jundai shina cungaimanta shamushpami chai macanacuica tucuringacama catinga.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Lucas 24:44

Chai q'uipaca Jesusca paicunataca: –Moisés Mandashcapipish, Profetacuna quillcashcapipish, Salmocunapipish ñucamanta tucui imalla tucuna cashcata huillashcacuna pajtachunmi chashna tucurca. Tucui chaicuna chashna tucuna cashcataca cancunahuan cashparajmi huillarcani– nircami.

Lucas 24:46

cashna nirca: –Quillcachishcapi nishca shinaca Cristoca llaquita apashpa, huañushpa, quimsa punllapica causarinami carca.

Lucas 24:7

Chaipica paica: “Runa Aichayujca, chacatashpa huañuchichun juchayuj runacunaman entregashcatajmi canga. Ashtahuanpish quimsa punllapica causaringallami”– nircami.

Juan 2:22

Huañushcacunapaj chaupimanta causarijpimi paipaj yachacujcunaca, Jesús chashna nishcatapish, Taita Dios Quillcachishcatapish, Jesús rimashca Shimicunatapish yuyarishpa crircacuna.

Juan 20:9

Quillcachishcapi nishca shina: Huañushcacunapaj chaupimanta Jesús causarinataj cashcataca, manaraj entendircacunachu.

Hechos 17:3

Taita Diospaj Shimi ima nicushcata paicunaman huillashpa: –Cristoca llaquita apashpa, huañushcacunapaj chaupimanta causarinatajmi carca. Cunan cancunaman huillacushca Jesusca paitajmari Quishpichij Cristoca– nishpami alli entendichirca.

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.

1 Pedro 1:11

Cristo ima shina llaquita apanata, pai llaquita apashca q'uipa jatunyachishca canatapish paicunapi caj Cristopaj Espiritumi ñaupaman manaraj chashna tucujpi, profetacunamanca yachana yuyaita cushca. Chashna yachana yuyaita cujpimi ¿pitaj chai Cristoca canga? ¿ima punllataj chashnaca tucunga? nishpa yuyacushcallacuna.

1 Pedro 1:3

Ñucanchijta Mandaj Jesucristopaj Dios Yayataca, alli nishca cachun. Paica, ñucanchijta jatunta llaquij cashcamantami huañushcacunapaj chaupimanta Jesucristota causachishpa, huiñaita causagrina yuyailla cachun, ñucanchijtaca cutin huacharichirca.