Lucas 24:20 - Dios Rimashca Shimicunami

²⁰ Paitamari curacunata pushajcuna, ñucanchij llajtata mandajcunapish huañunatajmi can nishpa cujpi chacatashpa huañuchincuna.

Mushuj Testamento Diospaj Shimi

²⁰ Paitamari pushaj curacunapish, ñucanchij llajtata mandajcunapish juchachishpa, chacatashpa huañuchircacuna.

Lucas 24:20 Iomraidhean Croise

Mateo 23:33

¡Culebra shina millaicuna, cancunaca culebracuna causanami canguichij! Cancunaca ucu pacha llaquiman rinamantaca mana quishpiri tucunguichijchu.

Mateo 27:20

Curacunata mandajcunapish, cunaj yuyajcunapish, Barrabasta cacharichun, Jesustaca huañuchichun mañaichij nishpami, chaipi cajcunataca yachachicurcacuna.

Marcos 15:1

Ñalla pacarimugrijpimi, curacunata mandajcunaca, cunaj yuyajcunahuan, mandashcacunata quillcajcunahuan, mandajcunapuralla tandanacushcacunahuanpish tandanacushpa parlanacurcacuna. Chai q'uipami Jesustaca huatashcata Pilatopajman pusharcacuna.

Lucas 22:66

Ña pacarijpica israelcunapaj cunaj yuyajcuna, curacunata pushajcuna, mandashcacunata quillcajcunapish tandanacushpami, Jesustaca mandajcunapuralla tandanacushcapaj ñaupajman pushashpa cashna nircacuna:

Lucas 23:13

Chaimi Pilatoca curacunata pushajcunata, llajtata mandajcunata, chaipi cajcunatapish cayashpa tandachishpa,

Hechos 2:23

Chaitaca Taita Diosca pai yachaj cashcahuanmi ima shina canata ñaupaman allichirca. Chaimantami cancunaca paitaca japishpa millai runacunapaj maquipi churashpa, chacatashpa huañuchichircanguichij.

1 Tesalonicenses 2:15

Chaicunallatajmi Mandaj Jesustapish, paicunapaj quiquin profetacunatapish huañuchircacuna. Ñucanchijtapish llujshichishpami cacharcacuna. Taita Diostaca mana cushichincunachu, tucui runacunatapish jarcancunami.