Lucas 24:19 - Dios Rimashca Shimicunami

¹⁹ Jesusca: –¿Imataj tucushca?– nishpa tapujpi, paicunaca: –Nazaretmanta caj Jesusmantami parlanacucunchij. Paica Taita Diospaj ñaupajpipish, gentecunapaj ñaupajpipish allita ruraj, allita rimaj, tucuita rurai tucuj profetami carca.

Mushuj Testamento Diospaj Shimi

¹⁹ Shina nijpica: —¿Imataj tucushca canga?— nircami. Chashna nijpi, paicunaca cashnami nirca: —Dios ima nishcata huillaj, Nazaretmanta Jesustamari parlanacunchij. Paica Taita Diospaj ñaupajpipish, tucui gentecunapaj ñaupajpipish, imata rurangapaj, imata yachachingapajpish tucuita rurai tucuj cashcatamari ricuchirca.

Lucas 24:19 Iomraidhean Croise

Mateo 21:11

tapunacucujpimi: –Caica, Galileapi caj Nazaretmanta profeta Jesusmi– nircacuna.

Marcos 1:24

–Nazaretmanta Jesús, ¿imatataj ñucanchijtaca nij shamungui? ¿Chingachingapajchu shamungui? Cantaca pi cashcata yachanimi. Jucha Illaj Taita Diospajmanta shamushcami cangui– nirca.

Lucas 24:18

paicunamanta Cleofas shuti shuj runaca: –Tucuicunamari cai punllacuna Jerusalenpi ima tucushcataca yachancuna. ¿Canllachari maimanta cashpa mana yachangui?– nijpimi,

Lucas 7:16

Chaita ricushpaca tucuicuna yallitaj mancharinacushpa Taita Diosta sumajmari cangui nishpaca: “Ñucanchijpurapica, shuj jatun profetami ricurishca. Taita Diosmari paipaj cajcunata ricuj shamushca” nircacuna.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 4:19

Chaimi chai huarmica: –Amito, canca Taita Dios huillachishcata huillajmi yuyachingui.

Juan 6:14

Chai runacunaca, pi mana rurai tucuipajta Jesús rurajta ricushpami: –Caica cai pachaman shamuna cashca Profetatajmari– nircacuna.

Juan 7:52

Shina nijpimi caishuj fariseocunaca: –¿Canpish galileopurachu cangui? Quillcachishcata alli ricuiyari. Galileamantaca shuj profetallapish manaraj tiyashcachu– nircacuna.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 2:22

Tucui israelcuna, cai huillashcata uyaichij: Nazaretmanta Jesustami Taita Diosca pai cachashca cashcata ricuchingapaj, pi mana ricushcata rurachirca. Shinallataj pi mana ruraipajcunatapish, mancharinacunatapishmi rurachirca. Chaitaca tucui cancunallataj yachanguichijmi.

Hechos 7:22

Chashna cashpami Moisesca Egipto llajtapaj tucui yachanacunatapish yachashca carca. Paica rimanatapish ima ruranacunatapish alli yachajmi carca.

DEUTERONOMIO 18:15

Mandaj Dios cancunapaj Taita Diosca cancunapuramanta cancunapaj huauquicunatami ñuca shinallataj huillajta shujtajta jatarichinga. Paita uyanguichij.