Lucas 23:51 - Dios Rimashca Shimicunami

⁵¹ Paipish Taita Dios mandai callari punllata shuyacujmi carca. Chashna cashpami caishuj mandajcuna ima shinalla yuyarinacushcatapish, Jesusta ima shina llaquichicujtapish mana allichu nicurca.

Mushuj Testamento Diospaj Shimi

⁵¹ Paipish, Taita Dios mandachun shuyacushcamantami, caishuj mandajcuna ima shinalla yuyarinacushpa, Jesusta chashna rurashcahuanpish mana shujlla yuyai carca.

Lucas 23:51 Iomraidhean Croise

GÉNESIS 49:18

Mandaj Dioslla, can quishpichinallatami shuyashpa catini.

ÉXODO 23:2

Millaita rurajcuna achcacuna cashcallamanta ama canpish paicunahuan shuj yuyailla tucungui. Achcacuna llullacushcallamanta paicunahuan tucushpa llullashpa huillashpa ama llaquipi churangui.

PROVERBIOS 1:10

Ñuca huahualla, juchasapacuna inquitajpipish, amataj uyanguichu.

ISAÍAS 8:12

“Caipi causajcuna huashalla alli yuyarinacushcahuantajca ña imatapish ruranatajmi nincunami. Paicuna yuyashca shinaca ama yuyaichijchu. Paicuna manchacushcacunatapish ama manchaichijchu. Manchanami canchij nishpallapish ama yuyaichijchu.

Mateo 27:57

Ña tutayacujpimi Arimateamanta José shuti achcata charij shuj runa shamurca. Paipish Jesusta catijmi cashca carca.

Marcos 15:43

Chai chishimi mandajcunalla tandanacushcapuramanta Arimateamanta caj José shamurca. Paica paicunapurapica alli nishcami carca. Paipish Taita Dios mandana punllata shuyacujmi carca. Paimi mana manchashpa, Pilatopajman shamushpaca Jesuspaj cuerpota pambangapaj mañarca.

Lucas 2:25

Chai punllacunaca Jerusalenpica, Simeón shuti runami tiyarca. Paica cashcata ruraj, Diosta manchaj, israelcunata Dios quishpichinata shuyacujmi carca. Jucha illaj Espiritupish paipaj jahuapimi carca.

Lucas 2:38

Chai yallitaj yuyaj huarmica Simeón rimacujpiraj chayashpami chai huahuata ricushpa Diosta pagui nirca. Jerusalenpi causajcuna Quishpichijta shuyacujcunamanpish tucuicunamanmi huillarca.

Lucas 23:42

Chai runaca Jesustaca: –Can mandangapaj shamushpaca, ñucata yuyaripangui– nijpimi,

Lucas 23:52

Paica Pilatopajman rishpami, Jesuspaj cuerpota pambangapaj mañarca.

1 SAMUEL 1:1

Efraín urcupi caj Ramataim pueblopimi, zofitacunapuramanta Elcana shuti shuj runa causarca. Paica Jerohampaj churimi carca. Jerohamca Eliupaj churimi carca. Eliuca Tohupaj churimi carca. Tohuca Zufpaj churimi carca. Zufca Efrainpaj aillupurami carca.