Lucas 23:4 - Dios Rimashca Shimicunami

⁴ Chaimi curacunata pushajcunaman, chaipi cajcunamanpish Pilatoca: –Cai runapica, imamanta jatunta llaquichinata mana japinichu– nirca.

Mushuj Testamento Diospaj Shimi

⁴ Shina nijpi Pilatoca pushaj curacunatapish, chaipi tucui cajcunatapish: —Cai runapica, ima mana allita rurashcata mana japinichu— nircami.

Lucas 23:4 Iomraidhean Croise

Mateo 27:19

Mandanapi tiyarishpa Pilato tapucujpimi, paipaj huarmica: “Chai cashcata ruraj runataca, ñataj imata ruranguiman. Cunan tuta muscuipica, paimantaca achca llaquitami aparcani” nishpami, huillaj cacharca.

Marcos 15:14

Cutinllataj Pilatoca: –¿Ima mana allitataj rurashcari?– nircami. Ashtahuanpish paicunaca: –¡Chacatachun ninchijmi!– nishpami ashtahuan caparircacuna.

Lucas 23:22

Chaimi Pilatoca caihuanca quimsa cutin: –¿Ima mana allitataj rurashcari? Cai runata huañuchinapajca ima mana allita rurashcataca, paipica mana japinichu. Chaimanta azotichishpa cacharishalla– nirca.

Juan 18:38

Chaimi Pilatoca: –¿Mana llullaca imatagari?– nirca. Jesusta chashna tapushca q'uipami, Pilatoca canllaman cutin llujshishpa judiocunataca cashna nirca: –Ñucaca cai runapica imamanta jatunta llaquichinataca mana japinichu.

Hechos 25:25

Chashna nijpipish ñucaca paipica huañuipaj ima millaita rurashcataca mana japircanichu. Paillatajmi: “Ñucataca Augustotaj tapushpami imatapish ninga” nishcallamantami paipajman cachana tucurcani.

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

1 Pedro 1:19

Ashtahuanpish ima mapa illajlla, chuya malta oveja shina, Cristopaj sumaj yahuarhuanmi llujshichishcacuna canguichij.

1 Pedro 2:22

Cristoca ima juchata mana rurarcachu, paipica umaj canaca manataj tiyarcachu.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.