Lucas 23:39 - Dios Rimashca Shimicunami

³⁹ Chaipi chacatashca caj huañuchij shuj runaca: –Cristotaj cashpaca, canllataj quishpirishpa, ñucanchijtapish quishpichiyari– nishpami c'amirca.

Mushuj Testamento Diospaj Shimi

³⁹ Chacatashca shuj huañuchij runapish, Jesustaca: —Can Cristo cashpaca, Canllatajpish quishpiri, ñucanchijtapish quishpichiari— nishpami cʼami callarirca.

Lucas 23:39 Iomraidhean Croise

Mateo 27:44

Jesushuan chacatashca ishqui shuhuacunapish chashnallatajmi c'amircacuna.

Marcos 15:32

¡Israelcunapaj jatun Mandaj Cristo cashpaca, ñucanchij ricushpa cringapaj, cruzmanta cunanllataj uriyachun!– nircacunami. Jesushuan chacatashcacunapish c'amircacunami.

Lucas 23:35

Tucui chaipi cajcunami Jesustaca chaparacurcacuna. Llajtata mandajcunapish asishpami: –Shujtajcunataca quishpichircami. Taita Dios cachashca Cristo cashpaca, paillataj quishpirinmanmari– nircacuna.

Lucas 23:37

cashna nircacuna: –Judiocunapaj jatun Mandaj cashpaca, canllataj quishpiriyari– nircacuna.

Lucas 23:40

Caishuj huañuchij runaca, chai rimacuj runataca cashnami nirca: –Canpishchu Taita Diostaca ¿mana manchangui? Pai shinallatajmari llaquita apacungui.