Lucas 23:34 - Dios Rimashca Shimicunami

³⁴ Chaipimi Jesusca: –Yayitu, paicunaca imata ruracushcataca mana yachancunachu, perdonapailla– nirca. Jesuspaj churanataca, soldadocunami sorteashpa japircacuna.

Mushuj Testamento Diospaj Shimi

³⁴ Cruzpimi Jesusca: —Ñuca Yayalla, Ñucata pʼiñajcunataca perdonailla. Paicunaca, imata ruracushcata mana yachancunachu— nirca. Cutin soldadocunaca, Jesuspaj churanataca, suerteta rurashpami chaupinacurcacuna.

Lucas 23:34 Iomraidhean Croise

GÉNESIS 50:17

Josetaca cashna ninguichij: Cambaj huauquicuna canta mana allita rurashcataca perdonangui nishpami rogarca. Chaimanta cunanca pai nishca shinallataj cambaj yayapaj Taita Diospajta rurajcuna canta mana allita rurashcataca perdonapai nichunmi cacharca”. Chashna nijpica Joseca huacarcami.

SALMOS 22:18

Ñuca churanataca paicunapurami chaupircacuna. Ñuca churanataca sorteashpami japircacuna.

ISAÍAS 53:12

Chaimanta ñucaca paimanca jatuncunapurapi canatami cusha. Mishashpa quichushcatapish c'ari c'aricunahuanmi chaupinacunga. Paica huañuchichun paillataj japi tucushpamari, millaita rurajcunahuan huañuchishca carca. Juchayujcunapaj randi huañushpamari, achcacunapaj juchata aparca. Millaita rurajcunamantapish mañarcami.

Mateo 11:25

Chaipimi Jesusca cashna nirca: “Jahua pachata, cai pachata Mandaj ñuca Yaya, ñucaca cantami alabani. Alli yuyaiyuj, yachaisapacunamanca caicunataca pacarcanguimari. Ashtahuanpish uchilla huahuacunamanmari ricuchircangui.

Mateo 11:26

Ñuca Yayitu, canllatajmari chashna tucuchun munashcangui.

Mateo 5:44

Ashtahuanpish ñucaca cashnami nini: Cancunata p'iñajcunatapish c'uyanguichij. Cancunata llaqui tucushca cachun nijcunatapish alli cashca cachun ninguichij. P'iñajcunapajpish allita ruranguichij. Maipish cachun rimashpa, llaquichina yuyailla llaquichijcunamantapish Taita Diosta mañanguichij.

Marcos 15:24

Jesusta chacatashpaca maijanlla imata apana cashcata ricungapajmi Jesuspaj churanacunataca sorteashpa chaupircacuna.

Lucas 22:42

Chaipica: –Ñuca Yayitu, ima shinamanta cai jayajta ubyana shina llaquita mana apana cajpica, ñucamanta anchuchipai. Ñuca chashna nijpipish ama ñuca munashcata rurapaichu, ashtahuanpish can munashca shina rurapai– nircami.

Juan 17:9

Ñucaca paicunamantami mañacuni. Cai pachapaj cajcunamantaca mana mañanichu. Ashtahuanpish quiquin ñucaman cushcacunaca, quiquinpaj cajpimi paicunamanta mañacuni.

Juan 19:11

Chaimi Jesusca: –Canca ñucata imata rurachun jahua pachamanta mana saquijpica, ñucataca imata mana rurai tucunguichu. Chaimanta ñucata canman cujca, canta yalli juchayujmari– nircami.

Hechos 16:28

Chaimi Pabloca: –¡Ama llaquichirichu, tucuicunami caipi canchij!– nishpa sinchita caparirca.

Hechos 3:17

Caipi caj tucui huauquicuna, cancunapish, cancunapaj mandajcunapish imata ruracushcata mana yachashpa Jesusta huañuchishcatami yachani.

Hechos 7:60

Chaipi cungurishpa sinchita caparishpaca: “Jatun Dioslla, paicuna cashna millaita ruracushcata ama yuyaringui” nishpaca huañurcallami.

Romanos 12:14

Cancunata catirashpa llaquichijcunataca, ama llaqui tucushca canman nichijchu. Ashtahuanpish alli cashca cachun nichij.

1 Corintios 2:8

Diospaj yachaitaca, cai pachata maijan mandajpish mana rijsircachu. Rijsishca cashpaca, sumaj achij nicujmanta Mandajtaca manataj chacatanmanchu carcacuna.

1 Corintios 4:12

Ñucanchij quiquin maquihuanmi shaicuita trabajacunchij. Llaqui tucunman nijcunatapish paicunapish llaqui tucushca canman mana ninchijchu. Ñucanchijta catirashpa llaquichijpipish, apanchijllami.

1 Timoteo 1:13

Ñaupaca ñucaca Diosta c'amij, catirashpa llaquichij, maipish cachun rimajmi carcani. Chaicunataca mana yachaj, mana crij cashpa, chashna ruracujpipish Diosmi ñucataca llaquirca.

1 Pedro 3:9

Cancunaca Dios allicunata cushcata japijcuna cachun cayashcata yachashcamantaca, cancunata llaquichijpipish ama chashnallataj ruraichijchu. Ima tucushca canman nijpipish, ama chashnallataj nichijchu. Chaipaj randica, Dios allicunata cushca cachun nichij.