Lucas 23:32 - Dios Rimashca Shimicunami

³² Jesushuan chacatangapajca, huañuchij ishqui runacunatapishmi pushashpa rircacuna.

Mushuj Testamento Diospaj Shimi

³² Jesusdij chacatashpa huañuchingapajca, huañuchij ishqui runacunatapishmi pushashpa rircacuna.

Lucas 23:32 Iomraidhean Croise

ISAÍAS 53:12

Chaimanta ñucaca paimanca jatuncunapurapi canatami cusha. Mishashpa quichushcatapish c'ari c'aricunahuanmi chaupinacunga. Paica huañuchichun paillataj japi tucushpamari, millaita rurajcunahuan huañuchishca carca. Juchayujcunapaj randi huañushpamari, achcacunapaj juchata aparca. Millaita rurajcunamantapish mañarcami.

Mateo 27:38

Jesustaca ishqui shuhuacunandijmi chacatarcacuna. Shujtaca alli ladoman, caishujtaca lluqui ladomanmi churarcacuna.

Marcos 15:27

Jesushuanca ishqui shuhuacunatapishmi chacatarcacuna. Shujtaca alli ladoman, caishujtaca lluqui ladomanmi chacatarcacuna.

Lucas 22:37

Cancunaman huillanimi: Quillcachishcapica ñuca imalla tucunamantaca cashnami nicun: “Millaita rurajta shinallatajmi millaita rurajcunahuan chagrushca canga” nishcaca ñami pajtagrin. Chashna nishpa ñucamanta quillcashcaca pajtanatajmi– nircami.

Lucas 23:31

Verderaj yuratapish cashna ruracushpaca ¿chaquishca yuratacarin imatapishchari rurangacuna?– nircami.

Juan 19:18

Chaipimi shujtaj ishqui runacunandij, Jesustaca chaupipi churashpa chacatarcacuna.

2 Timoteo 2:9

Chaimantami llaquicunata apacuni, millaita ruraj shina prezushcapish cani. Ashtahuanpish Diospaj shimica mana prezuchu.

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.