Lucas 23:2 - Dios Rimashca Shimicunami

² Chaipimi Jesustaca: –Cai runaca ñucanchij llajta runacunata mana allita yachachishpa, bullata rurachishpa puricujtami japircanchij. Cesarman impuestota cunatapish mana cunachu ninmi. Paica jatun mandaj Cristomi cani ninmi– nircacunami.

Mushuj Testamento Diospaj Shimi

² Paipaj ñaupajpimi Jesustaca, cashna juchachircacuna: —Cai runaca, ñucanchij llajta runacunata crichishpa, mana allita rurachishpami purin. Paica: ‘Cristo tucushpa, Jatun Mandajmi cani’ nishpami, Cesarman cuna cashca impuestotapish ama cuchun mandan— nircacunami.

Lucas 23:2 Iomraidhean Croise

1 REYES 18:17

Acabca Eliasta ricushpaca: –¿Canca israelcunata muspachij Eliastajchu cangui?– nircami.

SALMOS 35:11

Yallitaj millaicunami ñucata juchachishpa huillangapaj jatarincuna. Paicunaca ñuca mana yachashcatami tapuncuna.

SALMOS 62:4

Jatun canamanta urmachingapajllami tandanacushpa jatarincuna. Llullatami c'uyancuna. Shimihuanca allimi cangui nijtucuncunami. Ashtahuanpish shungupica, llaqui tucushca canman nincunami. Selah

JEREMÍAS 20:10

Maipipish ñucamantaca achcacunami huashalla parlanacuncuna. “Maipipish manchachishpamari puricun, jacuchij mandajcunaman huillashunchij” ninacushpami, ñucahuan apanacujcunallataj imapi pandarijta chapancuna. “Ima shina umajta saquingapishchari. Chaipitajca japishcahuan huañuchishpa, ñucanchijmi mishashun” ninacuncunami.

JEREMÍAS 38:4

Chashna huillajta uyashpami, mandajcunaca jatun mandajtaca cashna nircacuna: –Cai runaca cai pueblopi causajcunapaj alli causai tiyachunca mana munanchu, ashtahuanpish llaqui tucushca cachun yuyashpami, cai shimicunata huillan. Chashna huillajpimari saquirishca soldadocunapish, tucui cai pueblopi causajcunapish mana macanacushpa saquina yuyaita japincuna. Chaimanta cai runaca huañunami can– nircacunami.

AMÓS 7:10

Bet-el pueblopi causaj Amasías curaca, israelcunata jatun mandaj Jeroboammanca, cashna nishpami huillanaman cacharca: “Jatun mandajlla, Amosca cai llajtapi causajcunamanca canta p'iñashpami huillashpa puricun. Pai huillashcataca cai llajtapi causajcunaca, ña mana uyai tucuncunachu.

ZACARÍAS 11:8

Chaimantaca quillallapimi quimsa michijcunata chingachircani. Paicunallatajmi ñucataca p'iñachircacuna. Chaimantami paicunahuanpish yallitaj p'iñarircani.

Mateo 17:27

Shina cajpipish cullquita japijcunata ama p'iñachingapaj, cuchaman rishpa, chalhua japina ipita cuchapi shitashpa, punta llujshij chalhuata japishpa, shimita pascashpaca shuj cullquitami japingui. Chaitaca ñucamanta, canmantapish cugringui– nircami.

Mateo 22:21

paicunaca: –Cesarpajmi– nijpi Jesusca: –Cesarpajtaca paiman cuichij, Diospajtaca Diosman cuichij– nircami.

Mateo 27:11

Mandaj Pilatopaj ñaupajpi Jesús shayacujpimi, Pilatoca Jesustaca: –¿Canca, judiocunata jatun mandajchu cangui?– nijpi, Jesusca: –Ari, canllataj ña chashna ninguica– nirca.

Marcos 12:17

Chaimi Jesusca: –Cesarpajtaca paiman cuichij, Taita Diospajtaca Taita Diosman cuichij– nishpa cutichijpimi, paitaca mancharircacuna.

Marcos 15:2

Pilatoca Jesustaca: –¿Canca, judiocunata jatun Mandajchu cangui?– nijpi, Jesusca: –Ari, canllataj ña chashna ninguica– nirca.

Lucas 23:14

cashna nirca: –Cai runataca, llajtapi causajcunata muspachishpa bullata ruranatami yachachicun nishpami pushamurcanguichij. Ashtahuanpish cancunapaj ñaupajpi ñuca tapushpaca, cancuna juchachishca shina millai runa cashcataca mana japinichu.

Lucas 23:5

Ashtahuanpish paicunaca cashna nishpami caparircacuna: –Cai runami Galileamanta callarishpa, cai Judeapi causajcunacamami mana allita yachachishpa bullarishpa puricun– nircacuna.

Juan 18:29

Chaimantami Pilatoca canllaman llujshishpa: –Cai runataca ¿imata juchachishpataj apamunguichij?– nijpi,

Juan 18:30

paicunaca: –Ima millaita mana ruraj cajpica, cambajmanca mana pushamunchijmanchu carca– nircacuna.

Juan 19:12

Chaimi Pilatoca, ima shinapish Jesusta cacharinata yuyacurca. Chashna yuyacujpipish judiocunaca: –Cai runata cacharishpaca, mana Cesarhuan apanacujchu cangui. Pipish jatun mandaj tucusha nijca, Cesarta p'iñajmi– nishpami caparircacuna.

Hechos 24:13

Cunan ñucata juchachicushcataca, paicunaca chashnatajmi nishpaca mana ni tucuncunachu.

Hechos 24:5

Ñucanchijpajca cai runaca purij ungüi shinami. Chashna cashpami paica tucui llajtacunata rishpa judiocunata pandata yachachishpa p'iñanacuita jatarichishpa puricushca. Paica chai nazareno runata catijcunata mandajmi cashca.

Romanos 13:7

Imallamanta pagana cashcata pagaichij: Tributotaca, tributota japijman, impuestotaca, impuestota japijman, cumurina cajtaca cumurichij, alli nina cajtaca alli nichij.