Lucas 22:42 - Dios Rimashca Shimicunami

⁴² Chaipica: –Ñuca Yayitu, ima shinamanta cai jayajta ubyana shina llaquita mana apana cajpica, ñucamanta anchuchipai. Ñuca chashna nijpipish ama ñuca munashcata rurapaichu, ashtahuanpish can munashca shina rurapai– nircami.

Mushuj Testamento Diospaj Shimi

⁴² «Ñuca Yayito, can munashpaca, cai jayaj ubyana shina llaquitaca Ñucamanta anchuchipai. Ñuca cashna nijpipish, ama Ñuca nishcataca rurapanguichu, can munashcata rurahuailla» nishpami mañarca.

Lucas 22:42 Iomraidhean Croise

SALMOS 40:8

Ñuca Dioslla, ñuca cushicunaca quiquinpaj munaita ruranami. Quiquin mandashcaca ñuca shungu ucupimari” nircanimi.

ISAÍAS 51:17

¡Rijchari, rijchari, jatariyari Jerusalén. Mandaj Diospaj p'iñarishca copatamari paipaj maquimanta ubyarcangui! Muspachij vinotamari siquiyashcandij ubyarcangui.

ISAÍAS 51:22

Pai agllashcacunapaj randi shayarij canta Mandaj Jatun Dios cambaj Taita Diosca cashnami nin: “Riqui, cambaj maquimantaca muspachij vino copataca anchuchircanimi. Ñuca p'iñarishca vino copa siquiyashcataca anchuchircanimi. Cutinca ña manataj ubyanguichu.

JEREMÍAS 25:15

Israelcunata Mandaj Diosca ñucataca cashnami nirca: “Ñuca p'iñarishpa ubyachina vinohuan tiyacuj copata ñuca maquimanta japi. Cai vinotaca ñuca maijan llajtacunallapi causajcunaman ubyachigrichun nishcacunaman ubyachigri.

Mateo 11:25

Chaipimi Jesusca cashna nirca: “Jahua pachata, cai pachata Mandaj ñuca Yaya, ñucaca cantami alabani. Alli yuyaiyuj, yachaisapacunamanca caicunataca pacarcanguimari. Ashtahuanpish uchilla huahuacunamanmari ricuchircangui.

Mateo 11:26

Ñuca Yayitu, canllatajmari chashna tucuchun munashcangui.

Mateo 20:22

Chaimi Jesusca: –Imata mañacushcatapish mana yachanguichijchu. ¿Ñuca ubyana cashca vasomantaca ubyai tucunguichijchari, ñuca imahuan bautizarishcapipish bautizari tucunguichijchari?– nijpi paicunaca: –Ari, chashna rurai tucunchijmi– nircacuna.

Mateo 26:39

Chaimanta ashallata rishpami, Jesusca cungurishpa cumurishpaca: “Ñuca Yayitu. Ima shinamanta jayajta ubyana shina llaquita mana apana cajpica, ñucamanta cai llaquita anchuchipai. Ñuca chashna nijpipish ama ñuca munashca shinaca rurapaichu, ashtahuanpish can munashca shina rurapai” nishpami Diosta mañarca.

Mateo 26:42

Cutin rishpaca: “Ñuca Yayitu, ima shinamanta jayaj ubyana shina cai llaquita ñuca apanallataj cajpica, cambaj munaita rurapai” nishpami, caihuanca ishqui cutin Diosta mañarca.

Mateo 26:44

Paicunataca chaillapitaj saquishpami cutin rirca. Caihuanca, quimsa cutinmi chai shinallataj shimicunahuan Diosta mañarca.

Mateo 6:10

Can mandana punlla ña chayamuchun. Ima shinami jahua pachapi can munashcata ruracun, shinallataj cai pachapipish can munashcata rurachun.

Marcos 14:36

“¡Yayitu! Cambajca tucui imapish jahuallami. Ima shinamanta jayajta ubyanata ñucamanta anchuchina cajpica anchuchipai. Ñuca chashna nijpipish ama ñuca munashca shinaca rurapaichu, ashtahuanpish can munashca shina rurapai” nircami.

Lucas 23:34

Chaipimi Jesusca: –Yayitu, paicunaca imata ruracushcataca mana yachancunachu, perdonapailla– nirca. Jesuspaj churanataca, soldadocunami sorteashpa japircacuna.

Juan 18:11

Chashna rurajpimi Jesusca, Pedrotaca: –Cambaj espadata huaquichinapi churai. Ñuca Yaya cushca copataca ¿manachari ubyachun ningui?– nirca.

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Juan 5:30

Ñucaca ñuca yuyaillamantaca imata mana rurai tucunichu. Alli cashcata, mana alli cashcata ima shina ricuchinataca ñuca Yaya ricuchichun mandashca shinami ricuchini. Chaimanta alli cashcata mana alli cashcata ñuca ricuchishcaca mana pandachu. Ñuca munaita ruranataca mana mashcanichu. Ashtahuanpish ñucata cachaj Yayapaj munaitami rurani.

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

Hechos 21:14

Chashna nijpi ña mana jarcai tucushpaca: –Jatun Diospaj munai rurarichun– nishpami saquircanchij.