Lucas 22:40 - Dios Rimashca Shimicunami

⁴⁰ Chaiman chayashpaca: –Llaquicunata mishangapaj Taita Diosta mañaichij– nirca.

Mushuj Testamento Diospaj Shimi

⁴⁰ Ña chaiman chayashpaca: «Ima mana allita rurana yuyai ama japichun, Diosta mañaichij» nircami.

Lucas 22:40 Iomraidhean Croise

1 CRÓNICAS 4:10

Jabes runaca israelcunapaj Taita Diostaca: “Cambaj allicunata ñucaman cuhuayari. Ñuca llajtata mirachihuai. Ñuca ama ima llaquita apangapaj cambaj maquipi ñucata huaquichihuai” nishpami mañarca. Chashna mañajpica, Diosca pai mañashca shinami rurarca.

SALMOS 119:133

Ñuca chaqui purinatapish quiquinpaj shimihuan mandahuai. Ima millai mandashca ama cangapaj ñucata pushahuai.

SALMOS 17:5

Ñuca chaquicuna ama lluchcarichun, cambaj ñanpi sinchiyachishpa pushahuayari.

SALMOS 19:13

Cambajta rurajtaca jatun tucunamanta huaquichihuailla. Jatun tucuna yuyai ñucata cazuchichunca ama saquihuanguichu. Chashna rurajpica ima mapa illajmi casha. Yallitaj millaipish manataj tucushachu.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Lucas 11:4

Ima shinami shujtajcuna ñucanchijta ima mana allita rurashcacunata perdonanchij, shinallataj ñucanchij juchacunatapish perdonapai. Ima mana allipi urmachun, ama saquihuangui. Tucui millaimanta huaquichihuangui” –nircami.

Lucas 22:46

Chaimi Jesusca: –¿Ima nishpataj dormicunguichij? Llaquicunata mishangapaj jatarishpa Taita Diosta mañaichij– nirca.

1 Pedro 4:7

Tucui imalla tiyajcuna tucurinaca chayamucunmi. Chaimanta alli yuyaiyujcuna caichij. Diosta mañashpa chaparaichij.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.