Lucas 22:34 - Dios Rimashca Shimicunami

³⁴ Jesusca: –Pedro, cunan tutallataj gallo manaraj cantajpimi, quimsa cutin ñucataca mana rijsinichu ningui– nirca.

Mushuj Testamento Diospaj Shimi

³⁴ Chashna nijpipish, Jesusca: —Pedro, canca cunanllatajmari gallo manaraj cantajpi Ñucataca, quimsa cutin ‘Mana rijsinichu’ ningui. Chaitaca ñami canman huillani— nircami.

Lucas 22:34 Iomraidhean Croise

Mateo 26:34

Chaimi Jesusca: –Cunan tutallataj gallo manaraj cantajpimi, ñucataca quimsa cutin mana rijsinichu ningui. Chashnatajmi canga– nijpipish,

Mateo 26:74

Chaimi Pedroca: –¡Ñuca llullajpica Dios llaquichichun. Chai runataca mana rijsinichu!– nicujpica, galloca cantarcallami.

Marcos 14:30

Chaimi Jesusca: –Cunan tutallataj gallo manaraj ishqui cutin cantajpimi, ñucataca quimsa cutin mana rijsinichu ningui. Chashnatajmi canga– nirca.

Lucas 22:33

Chaimi Pedroca: –Mandaj Jesús, ñucaca carcelman rina cajpipish, huañugrina cajpipish canhuanmi risha– nijpimi,

Lucas 22:35

Chai q'uipami Jesusca: –Cancunataca muchila illajllata, cullqui illajllata, pargate illajllatami cacharcani. Chaipica ¿ima illarcachu?– nijpi, yachacujcunaca: –Mana ima illarcachu– nircacuna.

Lucas 22:61

Chaipimi Mandaj Jesuspish Pedrotaca tigrarishpa ricujpi Pedroca: “Gallo manaraj cantajpimi, ñucataca quimsa cutin mana rijsinichu ningui” nishpa Mandaj Jesús nishcata yuyarirca.

Juan 13:38

Jesusca: –¿Canca ñucamantaca huañui tucunguichari? Ashtahuanpish gallo manaraj cantajpimi quimsa cutin ñucataca mana rijsinichu ningui. Chaica chashnatajmi canga– nircami.

Juan 18:27

Chaimi Pedroca: Mana ñucachu cashca casha nicujpica ñapish galloca cantarcallami.