Lucas 22:32 - Dios Rimashca Shimicunami

³² Ashtahuanpish crij cashcata saquisha ama nichunmi, ñucaca canmantaca Taita Diosta mañarcani. Ña cutin ñucaman can cutirishpaca, ñucata alli catijcuna cachun cambaj huauquicunatapish alli yachachingui– nircami.

Mushuj Testamento Diospaj Shimi

³² Chashna cajpipish can ama huashaman tigrachun, canmanta Diosta mañarcanimi. Ña Diosman cutirishpaca, caishuj cambaj huauquicunataca Ñucata alli catichun yuyachipanguiari— nircami.

Lucas 22:32 Iomraidhean Croise

Mateo 18:3

–Diospajman mana cutirishpa, huahuacuna shina mana tucushpaca, jahua pachamanta mandacunpica manataj yaicunguichijchu. Chashnatajmi canga.

Mateo 26:75

Chaimi Pedroca: “Gallo manaraj cantajpimi ñucataca, quimsa cutin mana rijsinichu ningui” nishpa, Jesús nishcata yuyarishpa canllaman llujshishpaca, achcata llaquirishpa huacarca.

Marcos 14:72

Pedro chashna nincami, galloca cutin cantarca. Chaimi Pedroca: “Gallo manaraj ishqui cutin cantajpimi, ñucataca quimsa cutin mana rijsinichu ningui” nishpa, Jesús nishcata yuyarishpa huacarca.

Marcos 16:7

Paipaj yachacujcunamanpish, Pedromanpish huillagrichij. Cancunapaj ñaupami Galileaman ña rirca. Chaipimi pai nishca shinallataj ricunguichij– nircami.

Lucas 8:13

Rumi shinaca huillashca Shimita uyashcahuan cushicushpa chasquijcunami. Shina cashpapish sapi mana ucujta cashcamanta paicuna crishcataca ashacamallami catin. Crij cashcamanta llaquicuna shamujpica saquirinllacunami.

Juan 14:19

Cai pachapaj cajcunaca ashacamallami ñucataca ricungacuna. Chai q'uipaca ña mana ashtahuan ricungacunachu. Cancunaca ñucataca ricunguichijmi. Ñuca causacushcamanta, cancunapish causacunguichijllami.

Hechos 3:19

Chaimanta cancunapaj juchacunata p'ichachunca, mana allita ruracushcata saquishpa paipajlla tucuichij. Chaimi Jatun Diosca cushicushpa causana punllacunata cunga.

Romanos 8:32

Diosca paipaj quiquin Churitapish mana mitsashpami, tucui ñucanchijmanta curca. ¿Manachu chashnallataj tucui imatapish paillahuantaj ñucanchijman cunga?

Romanos 8:34

¿Pitaj jatun llaquimanca cachangari? Cristomari ña huañurca, causarircapishmari. Paica, Yayapaj alli ladopi ñucanchijmanta mañaracunpishmari.

2 Timoteo 2:18

Paicunaca mana llullamanta anchurishpami, ñami causarircanchij nishpa puricuncuna. Chashnami maijancunapaj crishcata muspachircacuna.

Tito 1:1

Taita Diospajta ruraj, Jesucristopaj apóstol Pablomi cani. Taita Diosca pai munashca shina crij cachunca ñaupamanmi agllashca. Chaicunataca Diosta yuyarijtaj cachunca mana nij tucushpalla ima shina canatataj yachachichun cachashcami cani.

Hebreos 12:15

Alli ricuraichij, ñataj maijancunaca Diospaj mana c'uyaipajta c'uyaj canata chingachinguichijman. Shinallataj jayaj q'uihua huiñaj shina cancunata muspachij yuyaicuna shamujpi, chaita rurashpa shujtajcunatapish pandachinguichijman.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.

1 Pedro 1:1

Jesucristopaj apóstol Pedromi, quiquin llajtamanta llujshishpa caita chaita rishpa Pontopi, Galaciapi, Capadociapi, Asiapi, Bitiniapi causacujcunaman quillcani.

1 Pedro 1:13

Chaimanta alli yuyaihuan chumbillirishca shina caichij, alli yachaj caichij. Jesucristo shamujpi mana c'uyaipajta c'uyashcata chasquishcaman chayana yuyailla caichij.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.

2 Pedro 3:14

Chaimanta c'uyashcacuna, chashna canata shuyacushpaca, ima mapa illaj, pi mana juchachipaj, alli sumajta causacujta Dios japichun tucui imatapish allita rurana yuyailla ruraichij.

1 Juan 2:19

Paicunaca ñucanchijpuramantami llujshircacuna, ashtahuanpish mana ñucanchijpurachu carca. Ñucanchijpura cashca cashpaca, ñucanchijhuanmi caticunman carca. Ñucanchijpurapi cajcunaca mana tucuicuna ñucanchijpura cashcata ricuchunmi chashna tucurca.