Lucas 22:30 - Dios Rimashca Shimicunami

³⁰ Chashna cujpimi ñuca mandacujpica, ñucahuan micunguichij, ubyanguichij. Cancunaca mandangapaj tiyarinapi tiyarishpami, chunga ishqui Israel aillucunata paicuna imalla rurashcata ricuchinguichij– nircami.

Mushuj Testamento Diospaj Shimi

³⁰ Chashna rurajpimi cancunaca Ñuca mandacunpica, Ñucahuan micunguichij, ubyanguichij. Shinallataj mandangapaj tiyarinapi tiyarishpami, chunga ishqui aillu israelcunata mandanguichij— nircami.

Lucas 22:30 Iomraidhean Croise

2 SAMUEL 19:28

Ñuca yayapaj huasi ucupuracunaca, tucuicunamari jatun mandaj ñuca amopaj ñaupajpica, huañuchishca canapajlla carcanchij. Chashna cajpipish cambajta ruraj ñucataca cambaj cajcunahuan micuj cachunmi cayashcangui. Chaimanta can jatun mandajtaca, sinchi shimihuan imata mana ashtahuan mañai tucunichu– nircami.

SALMOS 49:14

Canlla ovejacunata shinami seolman pushanga. Huañuimi paicunataca michinga. Ña pararijpica ima pandata mana rurajcunami mandanga. Paicuna sumaj cashcaca chingaringami. Paicuna causanaca seolmi canga.

Mateo 19:28

Chaimi Jesusca: –Dios tucuita mushujyachi punllapimi, Runa Aichayujca paipaj sumaj jatun tiyanapi tiyaringa. Cancunapish ñucata catishcamantaca, chaipimi chunga ishqui jatun tiyanacunapi tiyarishpa chunga ishqui Israel aillucuna imalla rurashcata paicunaman ricuchinguichij. Chaica chashnatajmi canga.

Mateo 5:3

Espiritupi huajcha cajcunaca cushichishcami. Jahua pachamanta mandanaca ñami paicunapi mandacun.

Mateo 8:11

Cancunaman huillanimi: Inti llujshinmanta, inti huashicunmantapish achcacuna shamushpami, jahua pachamanta mandacunpica Abrahamhuan, Isaachuan, Jacobhuan tiyaringacuna.

Lucas 12:37

Amo shamunapaj mana dormishpa chaparacuj servijcunaca cushichishcami canga. Chai amo shamushpaca chumbillirishpami mezapi tiyachishpa paicunaman caranga. Chashnatajmi canga.

Lucas 14:15

Chaita uyashpaca, Jesushuan micushpa tiyacujcunamanta shujca: –¡Taita Dios mandacujpi jatun micuipi micujca, cushichishcami canga!– nijpi,

2 Timoteo 2:12

Llaquicunatapish apashpaca, paihuanmi mandashun. Paita mana rijsinchijchu nijpica, paipish ñucanchijtaca mana rijsinichu ningami.

Santiago 1:1

Taita Diospajtapish, Mandaj Jesucristopajtapish ruraj Santiagomi cani. Caita chaita rishca chunga ishqui aillucunatami allilla cashca cachun nini.

Apocalipsis 19:9

Chai q'uipami angelca ñucataca: “Ovejapaj jatun micui bodaman cayashcacunaca, alli nishcacunami” chaita quillcai nirca. Cashnapishmi nirca: “Caicunaca, Dios rimashca mana llulla shimicunami” nircami.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.

Apocalipsis 4:4

Jatun tiyarina muyundijtaca, ishqui chunga chuscu tiyarinacunami tiyarca. Chaicunapica, ishqui chunga chuscu ancianocunami tiyacurca. Chai tiyacujcunaca yurajlla churanacunata churashca, umapipish curi coronacunata churashcatami ricurcani.