Lucas 22:29 - Dios Rimashca Shimicunami

²⁹ Chaimantami ñuca Yaya mandanata ñucaman cushca shinallataj, ñucapish cancunamanca mandanata cuni.

Mushuj Testamento Diospaj Shimi

²⁹ Chaimantami Ñuca Yaya Ñucaman mandanata cushca shinallataj, cancunatapish mandanata cuni.

Lucas 22:29 Iomraidhean Croise

Mateo 24:47

Paipaj tucui charishcacunata ricuj cachunpishmi chai amoca churanga. Chashnatajmi canga.

Mateo 25:21

paipaj amoca: “Allimi rurashcangui, canca allita ruraj, alli cazujmi cangui. Cai ashalla talentohuanpish allita rurashcamanta, ashtahuan yallitami mingasha. Cambaj amohuan cushicunaman yaicui” nircami.

Mateo 25:34

Chaipimi jatun Mandajca, paipaj alli ladoman cajcunataca cashna ninga: “Ñuca Yaya alli nishcacuna, cancuna mandana cashcata shamuichij japinguichij. Chashna mandanataca cai pacha callarimanta pachami ña allichishca.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Mateo 5:10

Cashcata ruraj cashcamanta llaquichina yuyailla llaquichishcacunaca cushichishcami. Jahua pachamanta mandanaca ñami paicunapi mandacun.

Mateo 5:3

Espiritupi huajcha cajcunaca cushichishcami. Jahua pachamanta mandanaca ñami paicunapi mandacun.

Lucas 12:32

Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun.

Lucas 19:17

Shina nijpi mandajca: “Allimi, alli servijmi cangui. Canca pajtachij cashpa ashallamantapish mirachishcamantaca, chunga pueblocunata mandajmi cangui” nircami.

1 Corintios 9:25

Maijanpish mishanacujca tucuimantami jarcarin. Paicunaca chingarijlla coronata japingapajmi chashna rurancuna. Ashtahuanpish ñucanchijcarin, mana chingarij coronata japingapajmi chashna ruranchij.

2 Corintios 1:7

Ñucanchij shinallataj cancunamanta llaquicunahuan cajpica, ñucanchijta shinallataj cushichishca cana yuyailla cana cashcataca allimi yachanchij.

2 Timoteo 2:12

Llaquicunatapish apashpaca, paihuanmi mandashun. Paita mana rijsinchijchu nijpica, paipish ñucanchijtaca mana rijsinichu ningami.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.

1 Pedro 5:4

Chashna ruracujpi michijcunata Jatun Michij shamujpica, cancunaca mana ismuj, achij nicuj sumaj coronatami chasquinguichij.

Apocalipsis 21:14

Pueblo muyundijta pircashcaca chunga ishqui rumicuna jahuapimi carca. Chai chunga ishqui rumicunapica, Ovejapaj, chunga ishqui apostolcunapaj shuticunapishmi quillcashca carca.