Lucas 22:17 - Dios Rimashca Shimicunami

¹⁷ Jesusca copata japishpa, Taita Diosta pagui nishpaca cashnami nirca: –Caita japishpa asha asha ubyachij.

Mushuj Testamento Diospaj Shimi

¹⁷ Chashna nishpa vino vasota japishpami Jesusca, Diosta pagui nishpa cashna nirca: —Jaicachij, tucuicuna asha asha ubyaichij.

Lucas 22:17 Iomraidhean Croise

SALMOS 116:13

Quishpichirina copata japishami, Mandaj Diospaj shutipi mañacushallami.

SALMOS 23:5

Ñucata p'iñajcunapaj ñaupajpimi, jatun micuita allichishpa tiyachircangui. Aceitehuanmi ñuca umapi churarcangui. Ñuca copapipish tallirijtami jundachircangui.

JEREMÍAS 16:7

Huañushcacunapaj familiapuracunatapish pi mana imallatapish carashpa cushichigringachu. Yaya, mana cashpaca mama huañujpipish, pi mana ima ubyanallahuanpish cushichigringachu.

Mateo 14:19

Chaipica, tucuicunatami bulluj jahuapi quinrilla siririchun mandarca. Pichca tandata, ishqui chalhuata japishpa huichilla ricushpa Diosta pagui nishpaca, chai tandataca chaupishpa yachacujcunaman cujpimi, paicunaca chai tucuicunaman cararcacuna.

Mateo 15:36

Chai canchis tandata, chalhuacunatapish japishpaca, Diosta pagui nishpami chaupishpa paipaj yachacujcunaman curca. Yachacujcunaca tucui chaipi cajcunamanmi cararcacuna.

Mateo 26:26

Ña micucushpami Jesusca, tandata japishpa, Diosta pagui nirca. Chaita chaupishpa, paipaj yachacujcunaman cushpaca: –Japichij, micuichij, caica ñuca cuerpomi– nishpami curca.

Marcos 14:22

Chashna micucushpami Jesusca tandata japishpa, Taita Diosta pagui nirca. Chaita chaupishpaca: –Japichij, caica ñuca cuerpomi– nishpami curca.

Lucas 22:19

Tandata japishpapish Taita Diosta pagui nishpa, chaupishpa yachacujcunaman cushpaca: –Caica, cancunamanta llaquichishca cana ñuca cuerpomi. Chaimanta caitaca, ñucata yuyarishpa ruracunguichijlla– nircami.

Lucas 9:16

Jesusca pichca tandata, ishqui chalhuatapish japishpami, jahua pachata huichilla ricushpa, Taita Diosta pagui nirca. Chai q'uipaca chaupishpa chaupishpami, tucuicunaman carachun yachacujcunaman cushpa catirca.

Romanos 14:6

Shuj punllallami caishuj punllacunamanta yalli alli nijca, Mandaj Jesuspajmi chashnaca yuyan. Maijanpish ima punllatapish chai shinallatajmi nijpish, Mandaj Jesuspajllatajmi chashna nin. Tucui imatapish micujca, Taita Diosta pagui nishpa micushcamanta, Mandaj Jesuspaj allipajmi micun. Mana tucuita micujpish, Taita Diosta pagui nishcamantaca, Mandaj Jesuspajllatajmi mana tucuita micun.

1 Corintios 10:16

Dios cushca copamanta pagui nishpaca ¿manachu Cristopaj yahuarmanta shujlla canchij? Tandata chaupishpaca ¿manachu Cristopaj cuerpomanta shujlla canchij?

1 Corintios 11:23

Mandaj Jesusmanta ñuca chasquishcatami cancunamanpish yachachircani: Mandaj Jesusca, paita japichi tutallatajmi tandata japishpa,

DEUTERONOMIO 8:10

Cancunaca chaipimi huijsa jundata micunguichij. Mandaj Dios cancunapaj Taita Diostaca chai sumaj llajtata cancunaman cushcamantami alli ninguichij.

1 SAMUEL 9:13

Puebloman ña yaicushpaca, lomapi tiyaj altarpi micunaman manaraj rijpi utca mashcanguichij. Chai lomapi cajcunaca pai chayangacama manaraj micungacunachu. Pai chaiman chayashpa, Diosman cushcata Diospajlla cachun nijpimi chaiman cayashcacunaca micungacuna. Chaimanta cunantaj utca huichiyashpaca japinguichijmi– nijpimi,