Lucas 21:8 - Dios Rimashca Shimicunami

⁸ Chaimi Jesusca: –Riquichij, cancunaca ama umashca canguichijchu. Achcacunami ñuca shutipi shamushpaca: “Ñucami Cristo cani. Mandana punllaca ñami chayamugrin” ningacuna. Paicunataca ama catinguichijchu.

Mushuj Testamento Diospaj Shimi

⁸ Shina tapujpi Jesusca, cashnami nirca: —Alli yuyaihuan puringuichij, ñataj cancunata crichinman. Achcacunami Ñuca shutipi shamushpa: “Ñucami Cristo cani” ningacuna. Shinallataj: “Ñamari chai punllaca chayamushca” ningacunapishmi, pajta catinguichijman.

Lucas 21:8 Iomraidhean Croise

JEREMÍAS 29:8

Tucuita Mandaj, israelcunapaj Diostajmi cashna nin: Cancunapaj chaupipi caj huillajcunapish, adivinajcunapish cancunata umachun ama saquichijchu. Cancunallataj muscushcapipish ama yuyaita churaichijchu.

Mateo 24:11

Llulla profetacunapish achcacuna shamushpami, achcacunata umangacuna.

Mateo 3:2

“mana alli ruracushcata saquishpa cutirichij. Jahua pachamanta mandanamari ña c'uchuyamushca” nishpa huillarca.

Mateo 4:17

Chai punllamanta pacha Jesús huillai callarishpaca: “Mana allita ruracushcata saquishpa cutirichij. Jahua pachamanta mandanamari ña c'uchuyamushca” nircami.

Lucas 17:23

Chai punllacunapica: “Caipimari, chaipimari” ningacunami. Chaimanca ama ringuichijchu, ama catinguichijchu.

Lucas 21:7

Chaimi yachacujcunaca: –Yachachij, ¿ima punllataj chashna tucungari? ¿Ima ricunataj chashna tucunapajca tiyangari?– nircacuna.

Lucas 21:9

Jatun macanacuicuna, llajtapi causajcunapurallataj macanacungapaj jataricunmi nijta uyashpapish, ama mancharinguichijchu. Cai shina causai tucurinapajca chaica tiyanallatajmi. Chashna tucucujpipish cai shina causaica manaraj tucuringachu– nircami.

Juan 5:43

Ñucaca ñuca Yaya cachajpimi shamurcani, mana chasquishun ninguichijchu. Maijanpish manapish cachajpi shamujtarajmi chasquinguichijlla.

Juan 8:24

Chaimi cancunataca cancunapaj juchallapitajmi huañunguichij nircani. Chashna nishca shinallatajmi ñuca pi cashcata mana crishpaca cancunapaj juchallapitaj huañunguichij– nirca.

Juan 8:28

Chaimi Jesusca cashna nirca: –Runa Aichayuj ñucataca jahuaman huarcushpami, ñuca pi cashcataca rijsinguichij. Imatapish ñuca quiquinllamantatajca mana ruranichu. Ñuca Yaya yachachishcallatami rimani.

1 Corintios 6:9

Millaita rurajcunaca, Dios mandanapica imata mana japina cashcataca ¿manachu yachanguichij? Ama umarichijchu: Apanacushpa causajcuna, rurashcalla dioscunata adorajcuna, huainayajcuna, huarmi shina casha nijcuna, c'aripurallataj siririjcuna,

Efesios 5:6

Maijanpish cancunataca yanga parlocunahuan ama umachun. Chashna mana allita rurashcamantami, Diosca p'iñarishpa paita mana cazujcunataca jatunta llaquichinga.

2 Tesalonicenses 2:3

¡Cancunataca ima shinapish pi ama umachun! Pai shamunapajca crishcata saquijcuna, chingarinaman rinapaj caj juchasapa runarajmi ricuringa.

2 Timoteo 3:13

Ashtahuanpish millaicuna, umajcunaca, ashtahuan ashtahuan millai tucushpami, umajcuna umashcacunapish tucushpa catingacuna.

1 Juan 4:1

C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.

2 Juan 1:7

Cai pachapica, achca umajcunami ricurishca. Paicunaca Jesucristoca aichayuj tucushpami shamurca nishpaca, mana huillancunachu. Chashna nijcunaca umajcunami, Cristota p'iñajcunami.

Apocalipsis 1:3

Chai huillashca pajtana punllacunaca ñallami chayamucun. Imalla tucuna cashcata quillcashcata rezajpish, uyajcunapish chaipi imalla nishcata cazujcunapish cushichishcami canga.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.