Lucas 21:6 - Dios Rimashca Shimicunami

⁶ –Cunan cancuna ricucunta chingachina punllacuna shamungami. Chaipica, shuj rumillapish shujtaj rumi jahuapica mana saquiringachu– nirca.

Mushuj Testamento Diospaj Shimi

⁶ —Cunan cancuna imalla ricushcacunaca, shuj rumillapish mana pircashca saquiringachu. Tucuita urmachishpa saquina punlla chayamucunmi— nirca.

Lucas 21:6 Iomraidhean Croise

JEREMÍAS 26:18

“Ezequías shuti jatun mandaj cai Judá llajtata mandacui huatacunapica, Moreset pueblomanta Miqueas shuti huillajmi, tucui cai llajtapi causajcunaman cashna nishpa huillashca: Tucuita Mandaj Diosca cashnami nin: Cai Sión urcuca, tarpuna allpacuna shina yapushcami canga. Cai Jerusalén pueblopish, rumi montonllami saquiringa. Ñuca huasi shayacun lomapipish, sachallami jundanga ninmi nishpami huillashca.

JEREMÍAS 26:6

Chashnallataj catijpica, cai huasitaca ima shinami Silo pueblota rurarcani, chashnallatajmi rurasha. Cai pueblotapish shujtaj llajtacunata mana alli nishpaca, Jerusalén shina tucushca alli canman ninatami rurasha ninmi ningui” nircami.

JEREMÍAS 26:9

¿Imamantataj canca: Cai huasica Silo shinami saquiringa, cai pueblopish tucui urmachishcami canga. Shujllapish causangapaj mana saquiringachu nishpa, Mandaj Diospaj shutipi huillanguiyari?” nircacunami. Mandaj Diospaj huasipica, tucuicuna chashna nishpami, Jeremiasta huañuchishun nicurcacuna.

LAMENTACIONES 4:1

¡Aij, curilla, yanayashcamari! ¡Aij, sumaj curica ña mana achij nicunca! Diospaj huasi rumicunapish tucui ñan esquinacunapimari shitashca siricun.

LAMENTACIONES 5:18

Sión urcuca shitashcamari, zorracunallamari chaitaca purincuna.

MIQUEAS 3:12

Cancuna chashna rurashcamantaca, Sión urcuca tarpuna allpata shina yapushcami canga. Jerusalén puebloca, rumi montonllami tucunga. Diospaj huasi tiyana urcupish q'uihua jundashca sachallami saquiringa.

ZACARÍAS 11:1

Líbano urculla, cedro yuracunata ninahuan rupachishpa tucuchingapaj cambaj pungucunata pascayari.

ZACARÍAS 14:2

Jerusalenpi causajcunahuan macanacushpa mishangapajca, ñucami tucui llajtacunamanta tandachisha. Paicunami cai pueblotaca quichungacuna. Cancunapaj huasicunamantapish ima tiyajtami apangacuna. Cancunapaj huarmicunatapish llaquichingacunami. Cai pueblopi causajcunamanta chaupica, prezumi ringacuna. Chaupica, cai pueblollapitajmi saquiringacuna.

Mateo 24:2

Chaimi Jesusca: –Ari shinatajmari. ¿Caita ricushpachu mancharinguichij? Caipica shuj rumillapish pircashca mana saquiringachu, tucuimi urmachishca canga. Chashnatajmi canga– nirca.

Marcos 13:2

Jesusca: –Taita Diospaj cai huasica ima shinalla rurashca cashcata ricushpachu ¿mancharingui? Caica shuj rumillapish mana pircashca saquiringachu, tucuimi urmachishca canga– nircami.

Lucas 21:7

Chaimi yachacujcunaca: –Yachachij, ¿ima punllataj chashna tucungari? ¿Ima ricunataj chashna tucunapajca tiyangari?– nircacuna.