Lucas 21:36 - Dios Rimashca Shimicunami

³⁶ Punllanta Taita Diosta mañashpa yuyaipi caichij. Chaimi chai llaquicuna shamujpica quishpiri tucunguichij. Runa Aichayuj shamujpipish paipaj ñaupajpi shayari tucunguichij” nircami.

Mushuj Testamento Diospaj Shimi

³⁶ Chaimanta cancunaca, punllanta Diosta mañashpa chaparacunguichij. Chashna allichirishpami, shamuna tiyacuj chai tucui llaquicunamanta quishpichishca cana ñahuitapish, Runa Aichayuj Ñuca ñaupajpi shayarigrina ñahuitapish charinguichij— nircami.

Lucas 21:36 Iomraidhean Croise

JOB 27:10

¿Paica Tucuita Rurai Tucuj Diosmantaca cushicuita japingachu? ¿Paica punllanta Taita Diosta mañai tucungachu?

SALMOS 1:5

Chaimanta millaicunaca paicuna imalla rurashcata Dios ricuchi punllaca manataj quishpiringacunachu. Juchayujcunaca cashcata rurajcunapaj tandanacuipica, imata mana charingacunachu.

JEREMÍAS 35:19

Chashna cazushcamantaca, Recabpaj churi Jonadabpaj huahua huahuapuramantaca, shujllapish ñuca ñaupajpi ñucata servinamantaca manataj illangacunachu ninmi. Tucuita Mandaj, israelcunapaj Diostajmi chashna nin” nircami.

MALAQUÍAS 3:2

Pai shamui punllapica, ¿pitaj c'ari c'ari shayari tucungari? ¿Pitaj paipaj ñaupajpica mana pingaringari? Paica mapacunata anchuchij nina shinamari. Paica mapacunata llujshichij tajshana jabón shinamari.

Mateo 24:42

Cancunata Mandaj ima hora shamunata mana yachashcamanta, chaparacuichij.

Mateo 24:43

Ashtahuanpish caita yuyarichij: Ima hora shuhua shamunata huasiyuj yaya yachashpaca, chaparashpami paipaj huasiman yaicuchunca mana saquinman.

Mateo 24:44

Runa Aichayujpish mana yuyashca horaspi shamuna cashcamanta, cancunapish allichirishca chaparaichij.

Mateo 25:13

Ima punlla, ima hora Runa Aichayuj shamunata mana yachashcamanta, chaparacuichij.

Mateo 26:41

Llaquicunata mishangapaj chaparaichij, mañaraichij. Espirituca mañanata yuyanmi, ashtahuanpish aichaca shaicushcami– nircami.

Mateo 8:20

Jesusca: –Zorracunapish causanapaj jutcuta, pajarocunapish tazinta charincunami. Ashtahuanpish Runa Aichayujca, saunashpa dorminallatapish mana charinchu– nirca.

Marcos 13:33

Cancunaca ima punlla Runa Aichayuj shamuna cashcata mana yachashcamanta, ricuraichij, chaparaichij, mañaraichij.

Marcos 13:37

Cancunaman huillashcataca, tucuicunamanmi chai shinallataj huillani: ¡Chaparanguichij!– nircami.

Lucas 1:19

Shina nijpi angelca: –Ñucaca Diospajta rurangapaj paipaj ñaupajpi shayacuj Gabrielmi cani. Paimari canman cai alli huillaita huillachun cacharca.

Lucas 18:1

Taita Diosta mañanataca mana shaicushpa tucui imapipish mañacunallami nishpa yachachingapajca, cai yuyachij parlotami Jesusca,

Lucas 20:35

Ashtahuanpish shamuj causaipi causanataj cajcuna causarishpaca, mana cazarangacunachu, cazarachinapish mana tiyangachu.

Lucas 21:35

Tucui cai pachapi causajcunataca lazyana angu ñapish japij shinami japinga.

Hechos 10:2

Paica paipaj familiandij Taita Diosta yuyarij, Taita Diosta manchaj, Taita Diosta mañaracujmi carca. Israelcunata llaquishpa achcata cujmi carca.

1 Corintios 16:13

Chaparaichij, crishcapi sinchi caichij. C'ari c'ari sinchicuna caichij.

2 Corintios 4:14

Mandaj Jesusta causachij Taita Diosllataj ñucanchijtapish, Jesusta shinallataj causachishpa, cancunandij paipaj ñaupajman pushana cashcataca yachanchijmi.

Colosenses 4:2

Diosta mañanataca ama cungarishpa, chai yuyailla pagui nicuichijlla.

1 Tesalonicenses 5:17

Taita Diosta mañanataca ama shaicunguichij.

2 Timoteo 4:5

Ashtahuanpish canca, tucuipi alli yuyaiyuj cai. Llaquicunatapish apai, alli huillaita huillashpa can rurana cashcataca pajtachi.

1 Pedro 4:7

Tucui imalla tiyajcuna tucurinaca chayamucunmi. Chaimanta alli yuyaiyujcuna caichij. Diosta mañashpa chaparaichij.

1 Pedro 5:8

Cancunata p'iñaj diabloca, león huacaricuj shinami, maijanta millpungapaj muyundijta mashcashpa puricun. Chaimanta yachajcuna caichij, chaparacuichij.

1 Juan 2:28

Cunanca huahuacuna, pai ricurijpi ama manchashpa ñahui ñahui ricuringapajca, paihuan shuj shinalla catichijlla.

Judas 1:24

Tucuita rurai tucujca paipaj achij nicuj ñaupajpi jatunta cushicushpa ricuchingapajmi, mana urmashca ima mapa illajllata huaquichicun.

Apocalipsis 11:4

Chai huillajcunaca, cai pachata mandaj Diospaj ñaupajpi shayacuj ishqui olivocuna, ishqui candelerocunapishmi.

Apocalipsis 6:17

Pai p'iñarishpa jatunta llaquichina punllamari ña chayamushca ¿pitaj chai jatun llaquitaca apai tucungari?” nircacunami.

Apocalipsis 7:9

Chaita ricushca q'uipaca, pi mana yupaipaj yallitaj achcacunatami ricurcani. Paicunaca tucui llajtacunamanta, ch'ican ch'ican aillucunamanta, ch'ican ch'ican pueblocunamanta, ch'ican ch'ican rimaicunamantami jatun tiyarinapi tiyacujpaj ñaupajpi, Ovejapaj ñaupajpipish shayacurcacuna. Paicunaca yuraj churanacunata churashca, maquicunapipish ramacunata aisashcami carca.

Apocalipsis 8:2

Chai q'uipaca, Diospaj ñaupajpi canchis angelcuna shayacujtami ricurcani. Paicunamanca canchis trompetacunatami curca.