Lucas 21:34 - Dios Rimashca Shimicunami

³⁴ Taita Dios mandai callarina punllaca cancuna mana yuyashcapi ama shamuchun, cancunallataj alli yuyarishpa jatun micuita ruranallapi, machanallapi, cai causaipi imatapish charinallapi, cancunapaj shunguta churashpa ama causanguichijchu.

Mushuj Testamento Diospaj Shimi

³⁴ Alli yuyaihuan causanguichij, ñataj cancunapaj shungupica achcata micuna, machana yuyaillahuan, cai pachapi imatapish charina yuyaillahuan junda causacunguichijman. Cancuna chashna cungailla causacujpica, chai punllaca ñapish chayamungallami.

Lucas 21:34 Iomraidhean Croise

GÉNESIS 19:32

Chaimanta cunanca ñucanchij yayaman vinota ubyachishpa machachishpa paihuan dormishpa huahuacunayuj tucushun. Chashna rurajllapimi ñucanchij yayapaj huahua huahuacunaca mana chingaringa– nircami.

GÉNESIS 19:35

Shina nishpa paicunapaj yayaman vinota ubyachishpa machachishpaca, chai tutaca q'uipa ushushimi yayahuan dormirca. Lotca, q'uipa ushushi paihuan siririshcatapish, jatarishpa rishcatapish mana yacharcachu.

GÉNESIS 27:14

Chaimi Jacobca, chivocunata apamushpa paipaj mamaman cujpi, paipaj mamaca yaya Isaac munashca shinallatataj sumaj micuita rurarca.

SALMOS 35:8

Mana yachashcapi paicunallatataj llaquichichun. Pacallapi churashca linchipica, paillataj urmashca cachun. Paillataj rurashca jutcullapitaj urmashpa llaqui tucushca cachun.

PROVERBIOS 21:4

Shujtajcunata p'iña ñahuihuan ricunapish, shungupi jatun tucunapish, Diosta mana manchana yuyaipish juchami.

PROVERBIOS 23:20

Vinollata ubyajcunahuanpish, aichallata micujcunahuanpish pajta tandanacunguiman.

ECLESIASTÉS 9:12

Ima punlla ima tucunataca pi mana yachanchu. Chalhuacunataca linchica ñapish japinllami. Pajarocunapish trampapi japi tucunllami. Runacunatapish chashnallataj mana alli punlla chayajpica, ñapish ima llaqui japinllami.

ISAÍAS 28:7

Ashtahuanpish paicunapish vinota ubyashpami musparircacuna. Sidrata ubyashpami yuyai illaj tucurcacuna. Curapish, profetapish sidrata ubyashpami pandarircacuna. Vinota ubyashpami musparircacuna. Sidrata ubyashpami yuyaita chingachircacuna. Machashpa musparishpallami muscuipimi ricunchij nishpa huillarcacuna. Mandanapipish pandami mandarcacuna.

OSEAS 4:11

Huainayana, vinota ubyana, llullu vinota ubyana yuyaimi alli yuyaitaca anchuchin.

LEVÍTICO 10:9

“Mandaj Dioshuan tupana carpa huasiman yaicushpaca canpish, cambaj churicunapish, vinotapish, sidratapish ama ubyanguichijchu. Chashna rurashpallami mana huañunguichij. Tucui cai mandashcacunaca cancunapaj huahua huahuacunapaj huiñaipaj mandashcami.

Mateo 13:22

Cashalla allpapi tarpushca shinaca, Diospaj Shimita huillashcata uyashpapish cai pachapi ima shinalla rurajcuna rurashca shina charijyana yuyaicunahuan umarishpami, huillashca Shimitaca chai yuyaicuna tapajpi, paicunapaj causaipica imata mana granon.

Marcos 13:9

Ashtahuanpish cancunallataj huaquichiringuichij. Cancunataca, mandajcunapuralla tandanacushcaman apangacunami. Paicunapaj sinagogacunapi azotingacunami. Llajtata mandajcunapaj ñaupajman, jatun mandajcunapaj ñaupajmanpishmi ñucata caticushcamantaca, pushangacuna. Chaipimi ñucamanta huillanguichij.

Marcos 4:19

Ashtahuanpish cai pachapi ima shinalla rurajcuna rurashca shina charijyana yuyaicunahuan umarinami. Shinallataj shujtajcuna charishcata munanacunami. Huillashca Shimitaca chai yuyaicuna tapajpimi, paicunapaj causaipica imata mana granon.

Lucas 10:41

Chaimi Jesusca cashna nirca: –Marta, Marta, canca caitapish chaitapish rurasha nishpamari musparicungui.

Lucas 12:40

Runa Aichayujpish, mana yuyashca horaspi shamuna cashcamanta cancunapish allichirishca chaparaichij” nircami.

Lucas 17:3

¡Chaimanta cancunallataj alli yuyaringuichij! Cambaj huauqui canta llaquichijpica, ama chashna ruraichu nishpa rimangui. Llaquirishpa alli tucujpica, perdonanguilla.

Lucas 21:35

Tucui cai pachapi causajcunataca lazyana angu ñapish japij shinami japinga.

Lucas 21:8

Chaimi Jesusca: –Riquichij, cancunaca ama umashca canguichijchu. Achcacunami ñuca shutipi shamushpaca: “Ñucami Cristo cani. Mandana punllaca ñami chayamugrin” ningacuna. Paicunataca ama catinguichijchu.

Lucas 8:14

Cashalla allpa shinaca huillashca Shimita uyajcunami. Ashtahuanpish uyashpa rishca q'uipaca, cai pachapaj munaicuna, charijyana munaicuna, aichata cushichina munaicuna tapajpimi, paicunapaj causaipica imata mana granon.

1 Corintios 5:11

Ashtahuanpish crijmi cani nishpapish, huainayaj, quiquinpajlla charinata munaj, rurashcalla dioscunata adoraj, llaqui tucushca canman nij, machaj, shuhua, chashna millai causacujhuanmi ama tandanacunguichij, ama micunguichijllapish nishpa quillcarcani.

1 Corintios 6:10

shuhuacuna, quiquinpajlla charinata munajcuna, machajcuna, llaqui tucushca canman nijcuna, umashpa shuhuajcunapish Dios mandanapica imata mana japingacunachu.

Gálatas 5:20

rurashcalla dioscunata adorana, brujiana, p'iñanacushcalla causana, c'amina, huañurina, jahualla p'iñarina, p'iñanacuicuna, ch'icanyarinacuna, panda yachachicuna,

DEUTERONOMIO 29:19

Chai tucui shimicunata uyashpa mana cazujca llaqui tucungami nishca shimicunata uyashpa ñucaca cazushami nishpa ari nishca jahua paipaj shungupica: 'Mana cazushpa ñuca ima munashcata rurashpapish sumajtami causasha yuyashpa mana allita rurajpica tucui llaquicuna paipaj jahuami shamunga.

Filipenses 4:6

Imamantapish ama llaquilla canguichij. Ashtahuanpish Diosta mañacushpaca paiman tucuita huillaichij. Tucui imamantapish Diosta mañashpaca pagui nichij.

Hebreos 12:15

Alli ricuraichij, ñataj maijancunaca Diospaj mana c'uyaipajta c'uyaj canata chingachinguichijman. Shinallataj jayaj q'uihua huiñaj shina cancunata muspachij yuyaicuna shamujpi, chaita rurashpa shujtajcunatapish pandachinguichijman.

2 Pedro 3:10

Shina cajpipish Mandaj Jesús shamunaca mana yuyashcapimi, tutapi shuhua shamuj shina ñapish shamunga. Chaipica imalla tiyajcunapish jahua pachapish manchanayajta c'ulun nishpa cuyurishpa tucui imalla tiyajcunapish rupashpa chingaringami. Cai pachapish tucui ima tiyajcunandij rupachishcami canga.

2 Pedro 3:14

Chaimanta c'uyashcacuna, chashna canata shuyacushpaca, ima mapa illaj, pi mana juchachipaj, alli sumajta causacujta Dios japichun tucui imatapish allita rurana yuyailla ruraichij.

Apocalipsis 3:3

Can imalla yachashcata, uyashcataca yuyari. Cai nishcata cazushpa mana alli ruracushcata saquishpa cutiri. Mana chashna rurajpica, can mana yuyashcapimi shuhua shina cambajmanca shamusha.

1 SAMUEL 25:36

Abigail Nabalpajman tigranapajca, Nabalca paipaj huasipica jatun mandaj jatun micuita ruraj shinami ruracushca carca. Paica cushicuihuanmi carca. Yallitaj machashcapishmi carca. Chaimi Abigailca cayandij punllacama imata mana huillarca.