Lucas 21:33 - Dios Rimashca Shimicunami

³³ Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

Mushuj Testamento Diospaj Shimi

³³ Cai pachapish, jahua pachapish chingaringami. Ashtahuanpish, Ñuca shimicunaca huiñaipajmi.

Lucas 21:33 Iomraidhean Croise

SALMOS 102:26

Tucui chaicunaca chingaringallami. Ashtahuanpish quiquinca causacunguillami. Tucui chaicunaca churana shina maucayangallami. Shujtaj churanata churachij shinami rurangui. Chaipimi paicunaca mushujyashca canga.

SALMOS 119:152

Ima shina causanata quiquin yachachishcacunataca, ña unitami yachani. Chaitaca huiñaipajmi churashcangui.

ISAÍAS 40:8

Q'uihuaca chaquirinllami. Sisaca urmanllami. Ashtahuanpish ñucanchij Taita Diospaj shimi nishcaca pajtacungallami” nircami.

ISAÍAS 51:6

Cancunapaj ñahuihuan jahua pachata huichilla ricuichigari. Allpatapish urilla ricuichigari. Jahua pachaca cushni shinami chingaringa. Allpapish churana maucayaj shinami tucuringa. Allpapi causajcunapish chashnallatajmi chingaringacuna. Ashtahuanpish ñuca quishpichinaca huiñaipajmi. Ñuca cashcata ruranaca mana chingaringachu.

Mateo 24:35

Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

Mateo 5:18

Jahua pachapish, cai pachapish manaraj tucurijpimi mandashcacunamanta huillashcacunaca shuj puntollapish, shuj tildellapish mana chingarishpa, chashnataj pajtanga. Chaica chashnatajmi canga.

Marcos 13:31

Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

Lucas 16:17

Jahua pachapish, cai pachapish jahualla tucuringallamari. Ashtahuanpish mandashcacunapi nishcacunaca shuj puntollapish manataj saquirishpami pajtanga.

Lucas 21:32

Cunan punllacunapi causajcunaca, cai huillashcacuna pajtangacama manaraj huañungacunachu. Chashnatajmi canga.

1 Pedro 1:25

Ashtahuanpish Jatun Diospaj shimipi nishcaca huiñaita pajtacungallami” ninmi. Chai Shimimantami alli huillaitaca cancunaman huillacun.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.