Lucas 21:28 - Dios Rimashca Shimicunami

²⁸ Chaipica cancunata quishpichina pajtamucushcata yuyashpa, cushicushpa chaparanguichijlla– nircami.

Mushuj Testamento Diospaj Shimi

²⁸ Chashna llaquicuna ricuri callarijpica, cushicushpa umata jatarichinguichij. Cancunata quishpichinamari ña caillapi canga— nircami.

Lucas 21:28 Iomraidhean Croise

Lucas 13:11

Chaipica, unguchij supai curcuyachijpi chunga pusaj huatata curcuyashca shuj huarmimi tiyacurca. Chai huarmica manataj derecho shayari tucujmi carca.

Lucas 18:7

Taita Dioscarin tutapish punllapish pai agllashcacuna caparijpica, ¿manachu imatapish mana uniyashpalla paicuna mañashcata cutichinga?

Lucas 21:29

Yuyaita japina cai parlotapishmi Jesusca cashna nishpa parlarca: “Higo yurata, shujtaj yuracunatapish ricuichij.

Romanos 8:19

Dios paipaj huahuacunata chashna ricuchina cashcataca, Dios rurashcacunami ricunaihuan chai yuyailla chaparacuncuna.

Romanos 8:23

Mana chaicunallachu aij nicun. Ashtahuanpish ñucanchijpishmari Espirituta ñaupachishpa cushcata charijcuna cashpapish, ñucanchij shungu ucupica aij nicunchij. Ñucanchij cuerpota quishpichishpa, ñuca huahuacunatajmi canguichij nishca canatami chashna shuyacunchij.

Efesios 1:14

Tucuimanta quishpichishpa pushajpi ñucanchij japina cashcata japingacama ricuchij cachunmi, chai Espiritutaca churarca. Pai sumaj cashcata alabachunmi chashna rurarca.

Efesios 4:30

Diospaj jucha illaj Espirituta ama llaquichichijchu. Tucui imamantapish quishpichishpa pushana punllacama paihuan sellashcacunami canguichij.