Lucas 21:25 - Dios Rimashca Shimicunami

²⁵ Chai q'uipami intipipish, lunapipish, luzerocunapipish pi mana ricushcacuna ricuringa. Cai pachapica mama cucha yacucuna jahuata jatarishpa manchanayajta huajiajta uyashpami gentecunaca upayajta mancharingacuna.

Mushuj Testamento Diospaj Shimi

²⁵ Chai qʼuipaca intipipish, lunapipish, luźerocunapipish pi mana ricushca señalcunami ricuringa. Cai pachapi causajcunaca, mama cucha yacucuna manchanayajta huajyashpa, jahuata jatarishcamantami manchaihuan musparingacuna.

Lucas 21:25 Iomraidhean Croise

SALMOS 46:3

Mama cucha manchanayajta huajiashpa, yacucuna mana jahuallata jataricujpi, urcucuna chujchujpipish mana manchashunchu. Selah

ISAÍAS 13:10

Chashna llaqui cajpica jahua pacha uchilla luzerocunapish, uchilla luzerocunamanta achijyachicuj jatun luzerocunapish mana achijyachingachu. Intipish pacarijpi llujshicushca manaraj unipimi amsayanga. Lunapish lamyachina illajllami canga.

ISAÍAS 17:12

¡Aij, achca pueblocunalla. Mama cucha huajiaj shinamari caparingacuna! ¡Aij, caparinacucuj llajtacunalla! Achca yacucuna huajiaj shinamari caparingacuna.

ISAÍAS 24:23

Tucuita Mandaj Diosca Sión urcupi caj Jerusalenpimi mandacunga. Pai agllashca cunaj yuyajcunapaj ñaupajpimi achij nicuj mandacunga. Chaipica lunaca pingai tucungami. Intica musparingami.

ISAÍAS 5:30

Chai punllaca jatunta huajiashpami shamunga. Mama cucha yacu huajiaj shinami shamunga. Jahua pachamanta achijyachijcunapish amsayangami. Maijanpish cai llajtata ricushpaca, jatun amsa llaquitami ricunga.

ISAÍAS 51:15

Mandaj Dios ñucami mama cuchatapish caiman chaiman cuyuchini. Chai yacuta jahuajta jatarichishpa huacachijpish ñucami cani. Ñuca shutica tucuita Mandaj Diosmi.

JEREMÍAS 4:23

Cai llajtata ricujpica, chushaj allpallami ricurirca. Jahua pachata ricujpipish, amsallami carca. Ima achijyachij mana ricurircachu.

DANIEL 12:1

Chai punllacunapica, cambaj israelcunata cuidaj jatun mandaj Miguel shuti angelmi jataringa. Chai punllacunapica jatun llaquimi tiyanga. Gentecuna cai pachapi tiyai callari pachamanta chai punllacama, manataj tiyashca jatun llaquimi tiyanga. Shina cajpipish chai punllacunapica, cambaj israelcunaca quishpichishcami canga. Libropi paicunapaj shuti quillcashcacunaca tucuicunami quishpirishca canga.

MIQUEAS 7:4

Paicunapura alli nishca runaca casha shinamari. Allita ruraj runapish, zarza casha yuracuna shinamari. Chapajcuna huillashca shinallatajmari llaquichina punllaca pajtamucun. Cunanca cambajca, caita chaita musparinami canga.

Mateo 24:29

Chai jatun llaqui punllacuna ña tucurijpica, intica amsayangami, lunapish mana achijyachingachu. Luzerocunapish jahua pachamanta urmangacunami, jahua pachapi jatun mana cuyuripajcunapish cuyuringami.

Mateo 27:45

Chaupi punllamanta, quimsa horas chishicamami tucui cai pacha amsayarca.

Marcos 13:24

Chai jatun llaqui punllacuna ña tucurijpica intica amsayangami, lunapish mana achijyachingachu.

Marcos 13:26

Runa Aichayujtaca jahua pachamanta p'uyupi tucuita rurai tucuj cashcahuan, achijnicuj sumaj shamucujtami ricungacuna.

Marcos 15:33

Chaupi punllamanta quimsa horas chishicamami tucui cai pacha amsayarca.

Lucas 21:24

Maijancunataca espadahuanmi huañuchingacuna, shujtajcunataca tucui llajtacunamanmi prezu apangacuna. Jerusalenca mana israelcuna sarushcami canga. Paicuna sarushca cana punlla pajtangacamami, mana israelcuna mandanga.

Lucas 21:26

Cai pachapipish chashna jatun llaquicuna jahuanpi jahuanpi ricurijpi, jahua pachapi jatun mana cuyuripajcunapish chujchujpimi, gentecunaca yuyai chingarijta mancharingacuna.

Hechos 2:19

Jahua pachapica, pi mana ricushca mancharinatami ricuchisha. Cai pachapipish pi mana ricushca mancharinata rurashpami yahuarta, ninata, p'uyul cushnitapish ricuchisha.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.