Lucas 21:24 - Dios Rimashca Shimicunami

²⁴ Maijancunataca espadahuanmi huañuchingacuna, shujtajcunataca tucui llajtacunamanmi prezu apangacuna. Jerusalenca mana israelcuna sarushcami canga. Paicuna sarushca cana punlla pajtangacamami, mana israelcuna mandanga.

Mushuj Testamento Diospaj Shimi

²⁴ Japi tucujcunataca, espadahuanmi huañuchingacuna. Causaj saquirijcunataca, huatashpami tucui llajtacunaman apangacuna. Chashnami mana israelcunaca, Jerusalenta llaquichishpa charichun, Dios paicunaman saquishca punllacuna pajtangacama, sarushpa charingacuna.

Lucas 21:24 Iomraidhean Croise

GÉNESIS 34:26

Hamortapish paipaj churi Siquemtapish espadahuan huañuchishpami, paicunapaj pani Dinataca Siquempaj huasimanta pushashpa tigrarcacuna.

ÉXODO 17:13

Chaimantami Josueca amaleccunataca, espadahuan huañuchishpa macanacuita misharca.

ISAÍAS 5:5

Cunanca ñuca uva chagrata imata ruragrishcatami ricuchigrini. Muyundij pircatami anchuchigrini. Tucui tucuchishcami canga. Tucui pircata anchuchishca cajpica, pipish sarushcami canga.

ISAÍAS 63:18

Quiquin agllashca jucha illajcunaca asha huatacunallatami chaipi causarcanchij. Ñucanchijta p'iñajcunamari quiquinpaj huasita sarurcacuna.

ISAÍAS 66:12

Mandaj Diosca cashnami nin: “Riqui, ñucaca sumaj causaitami jatun yacuta shina paipi churani. Paipajmanca llajtacuna imalla charishcacunapish yacu jundashpa ladocunata rigaricuj shinatami churani. Chuchunguichijmi. Rigrapi apashcami canguichij. Changapi marcashpa c'uyashcami canguichij.

ISAÍAS 66:19

Ñucaca paicunapurapica shuj señaltami churasha. Paicunapuramanta mana huañushpa puchushcacunataca shujtaj llajtacunamanmi cachasha. Tarsisman, arcocunahuan macanacuj Fut, Ludpi causajcunapajman, Tubalman, Jabanman ñucamanta mana uyashca, ñuca tucuita rurai tucuj cashcata mana ricushca mama cucha c'uchupi caj ashtahuan caru llajtacunamanmi cachasha. Chaicunamanmi ñuca tucuita rurai tucuj cashcata huillangacuna.

LAMENTACIONES 1:15

Jatun Diosmari ashtahuan c'ari c'ari ñuca soldadocunataca ñuca chaupillapitaj tucuicunata sarurca. Paillataj cayashpa, achcacunata tandachimushpamari, chairaj c'aricunataca tucui huañuchichirca. Jatun Diosca Judapi causajcunataca, c'arihuan manaraj chayarinacushca huarmi shina cajpipish, uvata shinamari sarurca.

DANIEL 12:7

Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

DANIEL 8:13

Chai q'uipaca jucha illaj shuj rimacujtami uyarcani. Caishuj jucha illajcunamanta shujca chai rimacujtaca: “Diosman punllanta animalcunata huañuchishpa cunata anchuchishcapish, Diosta adorana huasitapish, paipaj soldadocunatapish chai mandajpaj maquipi churashpa saruchishpa, cashna millai juchata rurachun saquishcaca ¿maicamataj cangari?” nishpami tapurca.

DANIEL 9:27

Shuj semanapica paica achcacunahuanmi shuj ruranata ari ninacunga. Chaupi semanapica Diosman animalcunata cushpa huañuchinatapish, Diosman cunatapishmi anchuchinga. Chai q'uipaca llaquichicujca, yallitaj jatun millaitami ruranga. Chai llaquichijca, paita llaquichishpa tucuchina chayamungacamami chashna ruranga.

MALAQUÍAS 1:11

Ñucaca inti llujshinpi tiyaj llajtacunamantaca, inti huashicunpi tiyaj llajtacunapi causajcunacama rijsishcami cani. Chaimantami tucuipi ñucamanca inciensotapish, imalla cuna cashcatapish mapa illajllata cuncuna. Chaimanta ñucaca tucui llajtacunapi rijsishcami cani. Tucuita Mandaj Diostajmi chashna nini.

Lucas 21:25

Chai q'uipami intipipish, lunapipish, luzerocunapipish pi mana ricushcacuna ricuringa. Cai pachapica mama cucha yacucuna jahuata jatarishpa manchanayajta huajiajta uyashpami gentecunaca upayajta mancharingacuna.

Romanos 11:25

Huauquicuna, pacalla cashcata yachachunmi munani. Cancunallataj ama yalli jatun tucuchunmi cashna nini: Crij tucuna caj mana israelcuna tucuicuna crij tucungacamami, maijan israelcunaca mana crishpa sinchi shungu cangacuna.

Hebreos 11:34

Yallitaj lunyacuj ninatapish, huañuchircacunami. Espadahuan huañuchishca canamantapish quishpirircacunami. Fuerza illajcuna cashpapish, fuerzayujmi tucurcacuna. Jatun macanacuipipish c'ari c'ari shayarishpami, shujtaj llajtamanta macanacungapaj shamuj soldadocunatapish mishashpa callpachircacuna.

Apocalipsis 11:2

Diospaj huasi canllataca saquilla, ama midingui. Chaitaca, mana judiocunaman cushcami. Paicunami jucha illaj pueblotaca, chuscu chunga ishqui quillacunata llaquichishpa sarungacuna.