Lucas 21:22 - Dios Rimashca Shimicunami

²² Chai punllacunaca mana cazushcamanta Taita Dios llaquichina punllami canga. Quillcachishcapi tucui nishcacunami chai punllapica pajtanga.

Mushuj Testamento Diospaj Shimi

²² Chai punllacunaca, Dios jatunta llaquichina punllamari canga. Dios Quillcachishpa tucui huillashcacunamari, chai punllacunapica pajtanga.

Lucas 21:22 Iomraidhean Croise

ISAÍAS 34:8

Sión urcupi causajcunata llaquichishcamantaca Mandaj Diosca paicunatapish llaquichina punllapimi llaquichinga. Mandaj Diosca paicunatapish tigra llaquichina huata chayamujpimi llaquichinga.

ISAÍAS 61:2

Mandaj Dios quishpichinata munashca huata chayamushcata huillachun, mana cazujcunata ñucanchij Taita Dios llaquichina cashcata huillachun, tucui llaquilla causacujcunata cushichichunpishmi cacharca.

ISAÍAS 63:4

P'iñajcunataca paicunatapish llaquichina punlla chayamujpi llaquichingapaj ñuca shungupi ña yuyarishcatami charini. Tucuita mushujyachina huatamari chayamushca.

JEREMÍAS 51:6

Babiloniamanta llujshishpa callpaichigari. Cancunapaj causaillatapish quishpichichigari. Chai llajta runacuna millaita rurashcamantami, Mandaj Diosca llaquichigrin. Paicunata llaquichina punllamari chayamushca. Paicunaman cuna cashcatamari cugrin.

OSEAS 9:7

Llaquichina punllacunaca chayamushcami. Japina cashcata japina punllacunaca chayamushcami. ¡Israelcunaca chai shamuna punlla chayamushcatami entendingacuna! Cancunallataj yallitaj millaita ruraj cashcamantami profetataca sinchi shungumi tucushca nircanguichij. Alli yuyaiyuj runataca yuyai illajmi tucushca nircanguichij. Cancunaca yallitaj p'iñaj cashcamantami chashna nircanguichij.

MALAQUÍAS 4:1

Tucuita Mandaj Diosca cashnami nin: “Riquichij, hornopi nina lunyacuj shina punllaca ñallami chayamugrin. Chai punllapimi jatun tucushcacunapish, millaita rurajcunapish ujsha shina tucui rupangacuna. Chaipica sapillapish, shuj ramallapish mana saquiringachu.

Mateo 1:22

Tucui caicunaca, profetaman Jatun Dios cashna huillachishca pajtachunmi chashna tucurca:

Romanos 2:5

Ashtahuanpish cambaj rumiyashca, mana cutirisha nij shungumantami, Taita Dios p'iñarishpa ima shina rurashcatataj ricuchishpa llaquichina punllapaj cambajllataj huaquichicungui.

DEUTERONOMIO 32:34

¿Manachu sumaj charinacunata huaquichinapi huaquichishpa sellashcata charicuni?

DEUTERONOMIO 32:43

Llajtacunapi causajcuna, Diospajlla cajcunahuan tucushpa cushicuichigari. Paipajta rurajcunata huañuchijcunataca, Taita Diosmari huañuchinga. Paita p'iñajcunataca llaquichingatajmi. Pai agllashca llajtamantapish, paipajlla cajcunamantapish juchata anchuchingami” nircami.

2 Pedro 2:9

Tucui chaicunata rurashpaca, Jatun Diosca pai yuyailla cajcunataca llaquimanta quishpichij cashcata, shinallataj millaita rurajcunataca jatun llaquiman cachanapaj chai punllacama ch'icanchishpa charicuj cashcatami ricuchin.

2 Pedro 3:7

Chashna cajpipish cunan tiyaj jahua pachapish, cai pachapish Dios rimajllapitajmi, ninahuan rupachinapaj ch'icanchishca tiyacun. Diosta mana rijsijcunata imalla rurashcata ricuchishpa chingachina punllapimi, chashna chingachinga.