Lucas 21:21 - Dios Rimashca Shimicunami

²¹ Chaimanta Judeapi cajcunaca, urcucunapi miticugrichun. Jerusalenpi cajcunapish llujshishpa richun. Chagrapi cajcunapish ama tigrachun.

Mushuj Testamento Diospaj Shimi

²¹ Chaita ricushpaca, Judeapi causajcunaca urcucunapi miticugringuichij. Jerusalenpi cajcunapish caimanta llujshishpa ringuichij. Chagracunapi cajcunaca ama tigramunguichij.

Lucas 21:21 Iomraidhean Croise

GÉNESIS 19:17

Pueblomanta ña canllaman cajpica chai angelcunaca: –Cancunapaj causaita quishpichingapajca callpashpa richij. Ama huashaman tigrashpa ricunguichij. Cai pambacunapipish maipi ama pararishpa, urcupi miticunaman utca callpashpa richij. Mana chashna rurashpaca chingachishcami canguichij– nircami.

GÉNESIS 19:26

Lotpaj huarmica huashaman tigralla ricushcamantami jatun cachi rumi tucushpa saquirirca.

PROVERBIOS 22:3

Alli yuyaiyuj runaca, ima llaqui japina cajpica anchurinmi. Ashtahuanpish yachai illaj runaca, quiquin chaquihuan llaquipi yaicunllami.

JEREMÍAS 35:11

Shina cashpapish, cunanca Babilonia llajtata jatun mandaj Nabucodonosor cai llajtata llaquichinaman shamushca cajpimari: Jacuchij chai caldeo soldadocunamantapish, Siria llajta soldadocunamantapish Jerusalenpi miticushunchij nishpa shamushpa, cai Jerusalenpi saquirishpa causacunchij” nircacunami.

JEREMÍAS 37:12

Paicuna anchurijpimi Jeremiasca Jerusalenpi causajcunamanta anchurishpa, Benjamín llajtaman ringapaj Jerusalenmanta llujshicurca.

JEREMÍAS 6:1

Benjaminpaj huahuacuna, Jerusalenmanta llujshishpa callpaichigari. Ñamari janaj lado llajtamantaca, cancunata tucuchij jatun llaqui shamucun. Tecoa pueblopica, bocinapi tocashpa huillagrichigari. Bet-haquerem pueblo c'uchupi cushnita churashpa ricuchichigari.

NÚMEROS 16:26

Chaipimi Moisesca israelcunataca: –Diosta mana manchaj, cai runacunapaj carpa huasi muyundijpi cajcuna, tucuicuna anchuichij. Paicuna juchallishcamanta paicunahuan ama chingaringapaj paicuna imalla charishcacunapipish ama tuparinguichij– nirca.

Mateo 2:1

Herodes mandacui punllacunapi Judeapi caj Belenpi Jesús huacharijpica, yachaj runacunami inti llujshinmanta Jerusalenman chayamushpaca,

Mateo 24:16

Chaipica, Judeapi causajcunaca urcucunapi miticugrichun.

Marcos 13:15

Huasi jahuapi cajpish ima charishcata apanaman ama yaicuchun.

Apocalipsis 18:4

Chai q'uipaca cielopica shujtaj cashna nishpa rimashcatami uyarcani: “¡Ñucapaj cajcunaca, paicunapaj juchacunapi ama chagruringapaj, paicuna shina ama llaquita apangapajca chai pueblomanta llujshichij!,