Lucas 21:19 - Dios Rimashca Shimicunami

¹⁹ Chashna cajpipish mana p'iñarishpa ñucata catirajcunaca quishpiringuichijmi.

Mushuj Testamento Diospaj Shimi

¹⁹ Mana pʼiñarishpa, alli shunguhuan chai tucui llaquicunata apashpaca, quishpiringuichijmi.

Lucas 21:19 Iomraidhean Croise

SALMOS 37:7

Mandaj Diospaj ñaupajpi upalla cailla. Mandaj Diospi shunguta churashpa shuyailla. Millaita rurajcuna charijyajta ricushpa ama huañuricuichu. Millaita rurajcuna imata ruranata yuyaricujta ricushpa paicuna shina tucunata munashpa ama huañuricuichu.

SALMOS 40:1

Mana p'iñarishpallami Mandaj Diosta shuyacurcanilla. Paica jahuamanta cumurishpami, ñuca caparishcata uyarca.

HABACUC 3:16

Ñucaca, chai tucuitami uyarcani. Chaita uyashpaca, ñuca aichapi imalla tiyajcunapish zaillami mancharirca. Rimagrishpapish ñuca shimi jitacunaca chujchurcami. Ñuca tullucunapish ismucuj shinami carca. Ñuca yuyaipica, ña tucuricuj shinami tucurcani. Chashna cashpapish, llaquichij runa paipaj soldadocunahuan huaicashpa cai llajtaman yaicumujpipish, ñucaca chai llaqui punllapica mana imata manchashachu.

Mateo 10:22

Ñuca shutimantaca tucuicuna p'iñashcami canguichij. Ashtahuanpish tucuringacama catirajllami quishpiringa.

Mateo 24:13

Ashtahuanpish tucuringacama catijllami quishpiringa.

Lucas 8:15

Ashtahuanpish alli allpa shinaca, tucui shunguhuan, tucui munaihuan huillashca Shimita uyashpa, mana cungarishpa chaitataj rurashpa granoshcata ricuchijcunami.

Romanos 15:4

Chashna cajpica ñaupaman Quillcachishcacunaca, ñucanchijta yachachingapajmi quillcashca carca. Mana p'iñarishpalla, cushijlla, shuyana yuyailla canata yachachingapajmi quillcachirca.

Romanos 2:7

Taita Dios allicunata cuj cashcata yachashpa, chaita shuyashpa allicunata rurajman, huiñai causaita charishcamanta allita rurajtaca huiñaita paihuan causachunmi saquinga.

Romanos 5:3

Mana chaillachu, ashtahuanpish llaquicunapipishmi cushicucunchij. Llaquicunaca mana p'iñarijta ruraj cashcatami yachanchij.

Romanos 5:4

Mana p'iñarij canaca crijtaj cashcata ricuchinami, crijtaj cashcata ricuchijca shuyana yuyaillami.

Romanos 8:25

Chaimantami ñucanchijca manaraj ricushcataca, mana p'iñarishpalla chai yuyailla shuyacunchij.

1 Tesalonicenses 1:3

Cancunaca crishcamantami allicunata rurashpa, c'uyaihuan trabajashpa, ñucanchijta Mandaj Jesucristopi shunguta churashpa paita shuyacunguichij. Chaimantami cancunata yuyarishpaca, ñucanchij Yaya Diosta mañanataca mana shaicunchij.

2 Tesalonicenses 3:5

Cancunata Mandaj Jesusllataj cancunapaj shungucunataca Taita Diospaj c'uyaipi pushachun. Cristo shinallataj mana p'iñarij canatapish cuchun.

Hebreos 10:36

Diospaj munaita ruraj cangapajca, mana p'iñarijmi cana. Chashna cashpami Dios cusha nishcataca japinguichij.

Hebreos 6:11

Chaimanta cancuna shuyacushca pajtangacama ima shinalla ruracushcataca, chai shinallataj rurashpa tucuringacama ricuchichunmi munanchij.

Hebreos 6:15

Abrahamca Dios cusha nishcataca, mana p'iñarishpalla shuyashpami chasquirca.

Santiago 1:3

Cancuna crijtaj cashcata ricuchij llaquica, mana p'iñarij canata cuj cashcataca yachanguichijmi.

Santiago 1:4

Chashna alli shungu cashca ricuringapajca alli caichij. Chashna cashpami imapish mana illaj, ña alli crijcunataj canguichij.

2 Pedro 1:6

Alli yachajcuna cashpaca, quiquinllataj jarcarij caichij. Quiquinllataj jarcarij cashpaca, mana p'iñarij caichij. Mana p'iñarij cashpaca, Diosta alli yuyarij caichij.

Apocalipsis 1:9

Ñucaca, cancuna shinallataj llaquita apacuj, cancunapaj huauqui Juanmi cani. Dios mandacunpipish cancunahuanmi cani. Jesucristo shinallatajmi alli shunguhuan llaquita apacuni. Diospaj shimita huillashcamanta, Jesucristota ima shina cashcatataj huillashcamantapishmi ñucaca cai jatun yacu chaupipi tiyaj Patmos llajtapi churashca cani.

Apocalipsis 13:10

“Maijanpish prezu apashca cana cajca, prezu apashcami canga. Maijanpish espadahuan huañuna cajca, espadahuan huañuchishcami canga”. Chaimantami jucha illajcunaca, mana p'iñarij alli shungu, crij caticunalla.

Apocalipsis 14:12

Chashna cana cashcamanta Diospajlla cajcunaca Dios mandashcata cazushpa, Jesusta crishpa catijcunaca mana p'iñarishpa caticunallami.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.