Lucas 21:16 - Dios Rimashca Shimicunami

¹⁶ Cancunataca yaya mamallataj, huauquicunallataj, quiquin familiacunallataj, alli rijsishcacunallatajmi llaquichichun japichingacuna. Chaipimi maijancunataca huañuchingacuna.

Mushuj Testamento Diospaj Shimi

¹⁶ Ashtahuanpish cancunataca yaya mamallataj, huauquicunallataj, quiquin huasi ucupurallataj, alli rijsishcacunallatajmari japichingacuna. Chashnami, maijancunataca huañuchingacuna.

Lucas 21:16 Iomraidhean Croise

JEREMÍAS 12:6

Cambaj yayapaj familiapura cambaj quiquin huauquicunallatajmari canta huañuchingapaj jatarishcacuna. Paicunamari canta japingapaj caparinacushpa catincuna. Paicuna sumajta rimajpipish, ama shunguta churanguichu.

JEREMÍAS 9:4

Maijanpish: Ñucahuan apanacujhuanmi cani nishpa, ama cungailla purichun. Quiquin huauquillapitajpish ama shunguta churachun. Huauquillatataj umanllacunami, alli apanacujcunapish llullashpa llaquipi churanllacunami.

Mateo 10:21

Huauquita huañuchichunca huauquillatajmi japichinga. Yayaca churitami japichinga. Huahuacunapish, yaya mamata p'iñashpa jatarishpami huañuchichinga.

Marcos 13:12

Huauquita huañuchichunca huauquillatajmi japichinga. Yayaca churitami japichinga. Huahuacunapish yaya mamata p'iñashpa japichishpami huañuchichinga.

Lucas 12:53

Yayaca churita, churica yayata, mamaca ushushita, ushushica mamata, suedraca nuerata, nueraca suedrata p'iñashpami chaupirinacunga– nircami.

Lucas 21:15

Cancunamanca ñucami imallata rimanata, yachaitapish cusha. Chaipica cancunata p'iñajcunaca imata mana juchachi tucushpa upalla saquiringallami.

Lucas 21:17

Ñucata caticushcamantaca tucuicuna p'iñashcami canguichij.

Hechos 12:2

Juanpaj huauqui Jacobotaca, espadahuanmi huañuchirca.

Hechos 7:59

Paicuna rumihuan shitacujpimi, Estebanca, “Mandaj Jesús ñuca espirituta chasquipai” nishpa mañarca.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 6:9

Chuscupaj q'uipa sellashcata Oveja pascajpica, Diospaj shimita huillashcamanta, huillashca shinataj causashcamanta huañuchishcacunapaj almacunatami, altar ucupi ricurcani.