Lucas 21:11 - Dios Rimashca Shimicunami

¹¹ Ch'ican ch'ican llajtacunapi pamba chujchushpa allpa t'imburicunami tiyanga. Achca yaricai, millai ungüicunapishmi tiyanga. Jahua pachapica jatun mancharinacuna, mana ricushca señalcunapishmi ricuringa.

Mushuj Testamento Diospaj Shimi

¹¹ Chʼican chʼican llajtacunapimi jatun allpa chujchuipish, yaricaipish, jatun ungüicunapish tiyanga. Jahuapipish jatun mancharina señalcunami ricuringa.

Lucas 21:11 Iomraidhean Croise

JOB 41:9

Paita japinata yuyashpapish, chanzata rurashcallami saquiringuiman. Pipish paita ricushpallami, chahuata huañunman.

ISAÍAS 29:6

C'ulun nishcacunahuan, allpa chujchushpa t'imburishcacunahuan, jatunta c'ulun nishcacunahuan, jatun acapanahuan, huairandij tamyahuan, tucuchij nina lunyacujhuan tucuita Mandaj Dios ricuj shamujpimi chashna canga.

JOEL 2:30

Jahua pachapipish, cai pachapipish jatun mancharinacunatami ricuchisha. Yahuarta, ninata, achca cushnitapishmi ricuchisha.

Mateo 24:7

Mama llajtaca caishuj mama llajtahuan macanacungacunami, shinallataj jatun mandajcunapurapish macanacungacunami. Huañuchij millai ungüicuna, yaricaicuna, ch'ican ch'ican llajtacunapi pamba chujchushpa allpa t'imburicunapishmi tiyanga.

Lucas 21:10

Caitapish nircarajmi: –Shuj mama llajtaca, caishuj mama llajtahuan macanacungacunami, shinallataj jatun mandajcunapurapish macanacungacunami.

Lucas 21:12

Manaraj chashna tucujpica, cancunataca prezu apangacunami. Catirashpa llaquichingacunami. Sinagogacunaman, carcelcunamanpishmi apangacuna. Ñucata caticushcamantaca jatun mandajcunapajman, llajtata mandajcunapajmanpishmi apangacuna.