Lucas 21:10 - Dios Rimashca Shimicunami

¹⁰ Caitapish nircarajmi: –Shuj mama llajtaca, caishuj mama llajtahuan macanacungacunami, shinallataj jatun mandajcunapurapish macanacungacunami.

Mushuj Testamento Diospaj Shimi

¹⁰ Caitapish nircarajmi: —Llajtacunapurami macanacungacuna. Llajtacunata jatun mandajcunapurapish macanacuchingacunami.

Lucas 21:10 Iomraidhean Croise

ISAÍAS 19:2

“Egipciocunataca paicunapurallataj macanacuchunmi jatarichigrini. Cada quiquinmi paicunapaj huauquillahuantaj macanacungacuna. Cada quiquinmi llajtapi causajcunallahuantaj macanacungacuna. Shuj puebloca caishuj pueblohuanmi macanacunga. Shuj llajtaca caishuj llajtahuanmi macanacungacuna.

ZACARÍAS 14:13

Chai punllapica, Mandaj Dios jatunta manchachijpimi mancharingacuna. Alli apanacujcunapurallatajmi maquipi lutsarinacushpa macanacungacuna.

Marcos 13:8

Mama llajtaca caishuj mama llajtahuan macanacungami, shinallataj jatun mandajcunapurapish macanacungacunami. Pamba chujchushpa t'imburicuna, yaricaicuna, caparinacuicunapishmi tiyanga. Cai tucui llaquicunaca, nanai callaricuj shinallami canga.

Lucas 21:11

Ch'ican ch'ican llajtacunapi pamba chujchushpa allpa t'imburicunami tiyanga. Achca yaricai, millai ungüicunapishmi tiyanga. Jahua pachapica jatun mancharinacuna, mana ricushca señalcunapishmi ricuringa.

Lucas 21:9

Jatun macanacuicuna, llajtapi causajcunapurallataj macanacungapaj jataricunmi nijta uyashpapish, ama mancharinguichijchu. Cai shina causai tucurinapajca chaica tiyanallatajmi. Chashna tucucujpipish cai shina causaica manaraj tucuringachu– nircami.

Hechos 11:28

Paicunapuramanta Agabo shuti runa shayarishpami, Taita Diospaj Espíritu huillachijpi, tucui cai pachapi causajcunapajca jatun yaricai tiyana cashcata huillarca. (Chaica, Claudio mandacui punllacunapimi chashna tucurca.)

Hebreos 12:27

Chashna: “Shuj cutinhuan chujchuchishami” nishcaca, Dios rurashca cuyuchipajcunata anchuchina cashcatami nisha nin. Chaipimi, mana cuyuchinapaj cashcacunalla saquiringa.