Lucas 20:47 - Dios Rimashca Shimicunami

⁴⁷ Paicunaca viudacunapaj huasicunatapish quichushpa millpujcunami. Alli ricuringaraicuca unitami Taita Diosta mañaj tucuncuna. Chashna rurajcunataca yallitaj jatunta llaquichishcami canga– nircami.

Mushuj Testamento Diospaj Shimi

⁴⁷ Viuda huarmicunapaj huasicunata quichushpa millpujcunami. Chashna rurashpaca, alli ricurij tucungapajmi unaita Diostaca mañaj tucuncuna. Chashna rurajcuna cashcamantaca, paicunatami shujtajcunata yalli jatunta llaquichinga— nircami.

Lucas 20:47 Iomraidhean Croise

ISAÍAS 10:2

Huajchacunapaj cashcata ruranata anchuchingapajmi chaicunataca rurancuna! Ñuca agllashcacuna llaquihuan cajpi mana cashcata rurangapajmi chashna rurancuna. Viudacuna imalla charishcata quichungapaj, yaya mama illajllacunapajta shuhuangapajmi chashna rurancuna.

EZEQUIEL 22:7

Paicunaca yayatapish, mamatapish p'iñarcacunami. Caru llajtamanta shamujcunatapish llaquichircacunami. Yaya mama illajtapish, viudatapish imalla charishcatapish quichurcacunami.

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

AMÓS 2:7

Imata mana charij huajchacunataca, ñutu allpapi singuchishpa saruj shinami llaquichincuna. Cashcata ruraj runapaj allita ruranataca mana yuyancunachu. Yayapish, churipish chai huarmillahuantajmi siririnllacuna. Chashna rurashpami ñuca, jucha illaj shutitaca mapayachincuna.

MIQUEAS 2:2

Shujpaj charishca allpataca munashcamantami, quichuncuna. Huasicunatapish munashcamantami chaitataj japincuna. Shuj runata p'iñashpaca, paipaj familiatapish, tucui imalla charishcacunandijmi llaquichincuna.

MIQUEAS 2:8

Sarunman ñuca agllashcacunallatajmi, cunanca ñucata p'iñashpa llaquichingapaj jatarishcacuna. Macanacuj soldadocuna shinami, p'iñarishpa ñanta rijcunatapish jahua churanata quichurcanguichij.

MIQUEAS 3:2

Ashtahuanpish alli ruranataca p'iñashpami, millaitaraj ruranguichij. Tullumantaca caratapish, aichatapish anchuchishpami saquinguichij.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Mateo 23:14

Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Viudacunapaj huasicunata quichushpa millpujcunami canguichij. Chashna rurashcamanta alli ricuringa raicullami Diostaca unita mañaj tucunguichij. Chashna rurashcamantaca jatunta llaquichishcami canguichij.

Marcos 12:40

Paicunaca viudacunapaj huasicunatapish quichushpa millpujcunami. Alli ricuringaraicuca, unitami Taita Diosta mañaj tucuncuna. Chashna rurajcunataca yallitaj jatunta llaquichishcami canga”– nircami.

Lucas 12:1

Jesús rimangacamaca, huaranga huaranga gentecuna tandanacushpami, paicunapura sarurinacucurcacuna. Chaimi Jesusca paipaj yachacujcunataca cashna nirca: –Fariseocunapaj levaduramanta cuidaringuichij. Pajta paicuna shina mishqui shimi jayaj shungu canguichijman.

Lucas 20:46

–Mandashcacunata quillcajcuna shina canamanta huaquichiringuichij. Paicunaca pambata p'ichacujta churashpa purinatami munancuna. Plazacunapipish, allillachu cangui nishca canatami munancuna. Sinagogacunapipish, mai jatun micuicunapipish puntapi tiyarinatami munancuna.

Lucas 21:1

Achcata charijcuna Taita Diospaj huasipi ofrendata churanapi churacujtami Jesusca ricurca.

1 Tesalonicenses 2:5

Catinanqui shimicunahuan, ñucanchij ashtahuan charij tucungapajca manataj huillashcanchijchu. Chaitaca yachanguichijmi, Taita Diospish ricucunmi.

Tito 1:16

Diostaca rijsinchijmi nincunami. Ashtahuanpish rurashcacunahuanca Diosta mana rijsij cashcatami ricuchincuna. Millananacuna, mana cazujcuna cashpami, ima allita ruranapajca mana alli cashcata ricuchincuna.

Santiago 3:1

Ñuca huauquicunalla, imalla rurashcataca shujtajcunata yalli ashtahuan Dios ricuchina cashcata yachashcamanta, cancunapuramantaca ama achcacuna yachachijcuna tucuichijchu.