Lucas 20:36 - Dios Rimashca Shimicunami

³⁶ Paicunaca mana huañungacunachu. Angelcuna shinamari canga. Taita Dios causachishcamanta paipaj huahuacunamari canga.

Mushuj Testamento Diospaj Shimi

³⁶ Picunaca, Diospaj huahuacuna cashcamanta, causarishpaca mana cutin huañungacunachu. Angelcuna shinamari canga.

Lucas 20:36 Iomraidhean Croise

ISAÍAS 25:8

Mandaj Jatun Diosca, huañuitapish huiñaipajmi chingachinga. Tucuicunapaj ñahuimantami huiquicunata chaquichinga. Tucui cai pachapi causaj pai agllashcacunapaj pingai canatami anchuchinga. Mandaj Diostajmi chashna nin.

OSEAS 13:14

Seolpaj maquimantami quishpichisha. Huañunamantami quishpichisha. Chaipica huañui, ñucami canta huañuchijca cani. Seol canta chingachijca ñucami cani. Llaquij canaca ñuca ñahuimantaca anchunmi nishami.

ZACARÍAS 3:7

“Tucuita Mandaj Diosca cantaca cashnami nin: Ñuca yachachishcacunata, mandashcacunata punllanta allita rurashpaca, ñuca huasitaca canmi mandangui. Shinallataj huasi canllacunatapish canmi ricungui. Huasi ucupi imalla tiyajcunata caicunahuan ricuchunpish canmanmi cusha.

Mateo 22:30

Huañushcacuna causari punllapica, mana cazarangacunachu, cazarachinapish mana tiyangachu. Ashtahuanpish paicunaca, jahua pachapi caj Diospaj angelcuna shinami cangacuna.

Marcos 12:25

Huañushcacuna causari punllapica, mana cazarangacunachu, cazarachinapish mana tiyangachu. Ashtahuanpish paicunaca, jahua pachapi caj Taita Diospaj angelcuna shinami cangacuna.

Romanos 8:16

Chai Espiritullatajmi ñucanchij espiritumanca, Diospaj huahuacunami canguichij nishpa huillacun.

1 Corintios 15:26

Tucui p'iñajcunapaj q'uipa chingachishca canapaj p'iñajca, huañuimi.

1 Corintios 15:42

Huañushcacuna causarinapish chashnallatajmi. Ismujllata tarpujpica, mana ismujmi causaringa.

1 Corintios 15:49

Ima shinami allpamanta cajman rijchaj shamurcanchij, chashnallatajmi jahua pachamanta cajman rijchaj ricurishun.

Filipenses 3:21

Ñucanchij huañujlla cuerpotaca, shujtajyachishpami paipaj cuerpoman rijchaj, sumaj cuerpota ruranga. Tucui imatapish cazuchij poderhuanmi, paillataj chashna ruranga.

Apocalipsis 20:6

Punta causarinapi causarijcunaca Diospajlla cajcunami. Paicunaca alli nishcacuna cachun. Q'uipa huañuica, paicunataca imata mana rurai tucunchu. Ashtahuanpish paicunaca Diospajpish Cristopajpish curacunami cangacuna. Paicunaca Cristohuanmi huaranga huatacunacama mandangacuna.

Apocalipsis 21:4

Diosca paicunapaj ñahuicunamantaca, tucui huiquitami p'ichanga. Ñaupa tucui imalla tiyajcunaca, ña mana tiyashcamanta huañuipish, huacaipish, llaquipish, nanaipish ña mana ashtahuan tiyangachu” nircami.

Apocalipsis 22:9

Chaipimi paica: “¡Riqui, ama chashna ruraichu! Ñucapish can shina, cambaj huauqui profetacuna shina, cai libropi quillcashcata tucui cazujcuna shinallataj Diospajta rurajllami cani. ¡Diosta adorai!” nircami.