Lucas 20:22 - Dios Rimashca Shimicunami

²² ¿Cesarmanca tributotaca cushunchu manachu cushun?– nircacunami.

Mushuj Testamento Diospaj Shimi

²² Mandashcapica, ¿Cesarman impuestota cuchunlla, ninchu?— nishpami tapurca.

Lucas 20:22 Iomraidhean Croise

ESDRAS 4:13

Cunanca jatun mandajlla caitami yuyarina cangui. Chai pueblota cutin shayachishpa muyundij pircacunatapish ña pircashpaca, tributotapish, impuestotapish, imallamanta cuna cashcacunatapish mana pagangacunachu. Chashna tucujpica mandana huasipica cullquica illangamari.

ESDRAS 9:7

Ñaupa ñucanchij yayacunapaj punllamanta cunan punllacamami yallitaj juchata rurashpa causashcanchij. Millaita ñucanchij rurashcamantaca ñucanchijtapish, ñucanchij jatun mandajcunatapish, ñucanchij curacunatapish shujtaj llajtacunata jatun mandajcunapaj maquipimi churashcangui. Paicunaca maijancunataca espadacunahuan huañuchishpa, prezu apashpa, ñucanchij ima charishcacunatapish shuhuashpami ñucanchijtaca yallitaj pingaichirca. Cunanpish chashnallatajmi tucucun.

NEHEMÍAS 5:4

Shujcunaca: “Ñucanchijca jatun mandajman tributota cungapajpish ñucanchij allpacuna, ñucanchij uva chagracuna jahuami cullquita llujshichircanchij.

NEHEMÍAS 9:37

Ñucanchij quiquin allpapi p'ucushca granocunaca ñucanchij juchamanta ñucanchij jahuapi churashca jatun mandajcunapajllamari. Paicunami ñucanchijtapish, ñucanchij animalcunatapish, paicuna munashca shina mandancuna. Chaimanta yallitaj llaquipimari canchij” nircacunami.

Mateo 17:25

Pedroca: –Ari– nirca. Huasiman Pedro yaicugrijpica Jesusrajmi: –¿Imatataj yuyangui, Simón? Cai pachapi jatun mandajcunaca ¿maijancunamantataj tributocunata, impuestocunataca japincuna? ¿Paicunapaj llajtapi causajcunamantachu, mana cashpaca shujtaj llajtamanta shamushcacunapajtachu japincuna?– nirca.

Lucas 20:21

Paicuna Jesuspajman chayashpaca: –Yachachij, canca imatapish ima shina cashcatataj yachachijmi cangui. Taita Diosta ima shina cazunatapish chaitataj yachachijmi cangui. Pita mana manchashpa paicunapi alli ricuringa raicullaca mana yachachijchu cangui.

Lucas 20:23

Ashtahuanpish Jesusca, paicuna mana alli yuyaihuan cashcata yachashpami: –¿Ima nishpataj ñucataca umashun nicunguichij?

Lucas 23:2

Chaipimi Jesustaca: –Cai runaca ñucanchij llajta runacunata mana allita yachachishpa, bullata rurachishpa puricujtami japircanchij. Cesarman impuestota cunatapish mana cunachu ninmi. Paica jatun mandaj Cristomi cani ninmi– nircacunami.

Hechos 5:37

Chai q'uipaca shuticunata yupacui punllacunapimi, Galileamanta Judaspish yachachinata callarirca. Paitapish achcacunami catirca. Paita huañuchijpica, paita catijcunapish caita chaita rishpa chingarircallacunami.

Romanos 13:7

Imallamanta pagana cashcata pagaichij: Tributotaca, tributota japijman, impuestotaca, impuestota japijman, cumurina cajtaca cumurichij, alli nina cajtaca alli nichij.

DEUTERONOMIO 17:15

Chaipica Mandaj Dios cancunapaj Taita Dios agllashca cancunapurallataj caj shuj jatun mandajtami churana canguichij. Shujtaj llajtamanta caj mana cancunapurallataj cajtaca mana churanachu canguichij.