Lucas 20:20 - Dios Rimashca Shimicunami

²⁰ Chaimantami ima mana allita nijpica, juchachishpa chai llajtata mandajman huillashpa japichishunpishchari yuyashpa, yachangapaj alli tapucuj shina Jesusta tapuchun runacunata cacharcacuna.

Mushuj Testamento Diospaj Shimi

²⁰ Chaimantami imapipish pandachina yuyaihuan paicunaca, imatapish alli shunguhuan tapuj shina tapuchun, shuj runacunata cacharcacuna. Imapi pandarijpica chaita juchachishpa, llajtata mandajpaj maquipi churangapajmi chashna catirarcacuna.

Lucas 20:20 Iomraidhean Croise

2 SAMUEL 14:2

Joabca yachaj tucushca shuj huarmita Tecoamanta pushamuchishpami chai huarmitaca: “Huañushcamanta churarinata churarishpa huañushcamanta llaquilla caj shina tucui. Mishquijllata ashnacujhuanpish ama churaringui. Maijan huañushcamanta achca huatacunata llaquilla cashca huarmi shina tucui.

SALMOS 38:12

Ñucata huañuchishun nicujcunaca, laziyanapaj angutami rurancuna. Ñucata llaquichishun yuyacujcunaca, millaitami rimancuna. Ñucata ima shina umanatami punllanta yuyarincuna.

SALMOS 66:3

Taita Diostaca: “Quiquin rurashcacunaca jatun mancharinamari. Quiquin tucuita rurai tucuj cashcamanta, quiquinta p'iñajcunaca quiquinpaj ucupimari tucungacuna.

SALMOS 81:15

Mandaj Diosta p'iñajcunaca israelcuna mandashcami causanman carca. Israelcunapaj causaica huiñaitami alli canman carca.

JEREMÍAS 11:19

Ñucataca: “Cai runataca alli granota aparishca yurata urmachij shina huañuchishunchij. Cai pachapi causajcunapuramanta anchuchishunchij. Chashna rurajpica, paitaca pi mana ashtahuan yuyaringachu” ninacushcami carca. Ashtahuanpish ñucaca huañuchinaman apacushca malta c'ari oveja shina, imata mana yachashcachu carcani.

JEREMÍAS 18:18

Jeremías huillashcata uyashpaca, cashnami ninacurcacuna: “Shamuichij, Jeremiasta huañuchinata yuyarinacushunchij. Mandashcacunata ñucanchijman yachachichunpish curacunaca mana illanchu. Alli yuyaita cungapajpish, yachajcuna mana illanchu. Dios ima nishcata huillajcunapish mana illangachu. Juchachishpa huañuipi churashunchij. Pai huillashcataca imata mana uyashunchijchu” nircacunami.

JEREMÍAS 20:10

Maipipish ñucamantaca achcacunami huashalla parlanacuncuna. “Maipipish manchachishpamari puricun, jacuchij mandajcunaman huillashunchij” ninacushpami, ñucahuan apanacujcunallataj imapi pandarijta chapancuna. “Ima shina umajta saquingapishchari. Chaipitajca japishcahuan huañuchishpa, ñucanchijmi mishashun” ninacuncunami.

DANIEL 6:4

Chaimi chai ishqui mandajcunapish, satrapacunapish Danielta ima shinapish juchachingapaj pai ima shina mandajta chaparacurcacuna. Ashtahuanpish paicunaca ima juchachinata, ima mana allita mana japircacunachu. Danielca tucui imatapish cashcata ruraj cajpimi, paipica ima mana allitapish, ima juchachinatapish mana japircacuna.

Mateo 27:2

Jesustaca huatashcatami, mandaj Poncio Pilatopajman pusharcacuna.

Marcos 3:2

Chai samana punllapi chai runata alliyachijpi, juchachingapajmi Jesustaca chaparacurcacuna.

Lucas 11:54

Ima mana allita rimajpica juchachinata japingapajmi chashna tapurcacuna.

Lucas 20:21

Paicuna Jesuspajman chayashpaca: –Yachachij, canca imatapish ima shina cashcatataj yachachijmi cangui. Taita Diosta ima shina cazunatapish chaitataj yachachijmi cangui. Pita mana manchashpa paicunapi alli ricuringa raicullaca mana yachachijchu cangui.

Lucas 20:26

Tucuicunapaj ñaupajpi imata tapujpipish, ima juchachinata mana nishpa alli cutichijpimi mancharishpa upalla saquirircacuna.

2 Pedro 2:3

Chaicunaca quiquinpajlla ashtahuan charij canata munashcamantami crinalla shimicunahuan cancunata umashpa yachachishcamanta charijyanata yuyangacuna. Chashnacunataca ñaupamanta llaquichisha nishca jatun llaquica ñami quimimugrin, paicuna chingarinapish chaparacunmi.