Lucas 20:10 - Dios Rimashca Shimicunami

¹⁰ Uvascunata pallana punlla ña chayamujpica, pai japina cashcata chasquimuchunmi chagrajcunapajman shuj servijta cacharca. Ashtahuanpish chagrajcunaca chai servijtaca macashpami, chushaj maquillata tigrachishpa cacharcacuna.

Mushuj Testamento Diospaj Shimi

¹⁰ Uvasta pallana punllacuna ña chayamujpica, chai chagrayujca pai japina cashcata chaupimuchunmi paipaj servijcunataca, chagrajcunapajman cacharca. Ashtahuanpish chagracuj runacunaca chagrayuj cachashca runacuna chayamujpica, macashpa, chushaj maquitami tigrachishpa cacharcacuna.

Lucas 20:10 Iomraidhean Croise

1 REYES 22:24

Chaimi Quenaanapaj churi Sedequiasca Micaiasta quijaduspi huajtashpaca: –Ñucapi caj Mandaj Diospaj Espirituca ¿maitataj cambajman rishpaca chashnaca huillachingari?– nirca.

2 REYES 17:13

Mandaj Diosca israelcunatapish, Judá llajtapi causajcunatapish, profetacunahuanpish, paillataj ricuchishpa huillajta huillachishcahuanpish sinchita rimashpaca: “Cancunapaj millai ñancunata saquishpa ñucapajman cutirichij. Cancunapaj ñaupa yayacunaman ñuca mandashcacunata, pajtachinguitaj nishcacunata ñucapajta ruraj profetacunaman huillachishcacunata ima shina mandashca shinataj tucuita pajtachichij” nircami.

1 CRÓNICAS 19:4

Shina nijpimi Hanunca, Davidpajta rurajcunata japishpa shuj lado barbasta tucui raspashpa, churanacunatapish shuj lado uritaca siqui patacama lliquishpa paicunataca tigrachishpa cacharca.

2 CRÓNICAS 16:10

Chashna nijpica yallitaj p'iñarishpami, Asaca Dios ricuchishcata huillajtaca carcelpi churarca. Asaca chai huatacunaca, Judapi causajcunataca taucacunatami llaquichirca.

NEHEMÍAS 9:26

Ashtahuanpish paicunaca Diosta mana cazushpami colerachircacuna. Diostaca c'ariyarcacunami. Dios mandashcacunata saquishpami huashata ricuchircacuna. Diospajman cutirichij nishpa huillaj profetacunatapish huañuchircacunami. Chashnami yallitaj millananacunata rurarcacuna.

NEHEMÍAS 9:30

Paicuna chashna rurajpipish achca huatacunatami mana llaquichircangui. Paicuna quiquinpajman tigrarichunca quiquinpaj Espirituhuanmi quiquinpaj profetacunata huillachircangui. Ashtahuanpish paicunaca mana uyarcacunachu. Chaimi chai llajtacunapi causajcunapaj maquipi churarcangui.

SALMOS 1:3

Chai runaca yacu uripi tarpushca yura shinami canga. P'ucuna punllacunapitaj p'ucuj shinami canga. Chai yuramantaca p'angacunapish mana urmanchu. Tucui imata pai rurashcapish allimi llujshinga.

JEREMÍAS 2:30

Ñucaca yangamari cancunapaj huahuacunataca macashpa llaquichishcani. Manamari alli tucunguichijchu. Cancunapaj espadacunahuanmari ñuca ima nishcata cancunaman huillajcunataca, jatun p'iña león shina tucuchircanguichij.

JEREMÍAS 20:2

Chaita uyashpami Pasurca, Dios ima nishcata huillaj Jeremiastaca anguhuan macachirca. Chashna macachishpaca Benjamín llajta ladoman llujshina janaj lado pungupimi shuj jutcu tablapi chaquicunata canichishpa prezu churarca. Chai pungutami Mandaj Diospaj huasimanpish yaicuna carca.

JEREMÍAS 35:15

Ñucata servij ñuca ima nishcata huillajcunataca, ñaupamantapacha cunancama huashan huashan cachashpa huillachicunillami. Chai tucui huillajcunahuanmi: Tucuicuna cancunapaj millai causaita saquishpa, ñucaman cutirichij. Mana allita ruranata saquichij. Ña ama chai shujtajcunapaj dioscunapajman rishpa cungurichijchu, ama chaicunata servichijchu. Tucui chaicunata saquishpaca cancunapaj yayacunamanpish, cancunamanpish ñuca cushca cai llajtapi causanguichijmi nishpa huillachircani. Shina cajpipish, cancunaca manataj uyanguichijchu, manataj cazunguichijchu.

JEREMÍAS 5:24

Cancunapaj shungupica: Cunanca ñucanchijta Mandaj Diosta manchashpa causashunchij. Paimari punta tamyatapish, q'uipa tamyatapish tamyana punllacunapitaj cachan. Chagracuna tandana tucuchunpish paimari usyachin ninallatapish mana yuyaringuichijchu.

Lucas 13:34

¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Lucas 20:11

Cutinmi shujtaj servijta cacharca. Chai servijtapish paicunaca c'amishpa, macashpami chushaj maquillatataj tigrachishpa cacharca.

Lucas 20:9

Chai q'uipa yachachi callarishpaca Jesusca cai yuyachij parlotami cashna parlarca: “Shuj runami uvas chagrata tarpushpaca, chagrajcunaman arrendachishpa, achca huatacunapaj chaimanta rirca.

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Romanos 7:4

Chashnallataj ñuca huauquicunalla, cancunaca Cristopaj cuerpomantaca, Mandashcata ama rurangapajca huañushcami carcanguichij. Huañushcacunapaj chaupimanta causarijpaj cashcamanta, Diospajca alli granota p'ucuna yuyailla causashunchij.