Lucas 2:9 - Dios Rimashca Shimicunami

⁹ Chaipica Jatun Diospaj shuj ángel ricurishpa, Jatun Diospaj achijnicujhuan muyunchijpimi paicunaca achcata mancharircacuna.

Mushuj Testamento Diospaj Shimi

⁹ Paicuna chaipi cajpimi, Mandaj Diospaj angelca, ñapish paicunaman ricurirca. Mandaj Diospaj luzhuan paicunapaj muyujta achijyachishpa ricurijpimi, michijcunaca jatunta mancharircacuna.

Lucas 2:9 Iomraidhean Croise

1 REYES 8:11

Mandaj Dios sumaj cashca Mandaj Diospaj huasi ucupi jundajpimi, curacunaca Diospajta rurangapaj mana chai ucupi saquiri tucurcacuna.

ÉXODO 16:10

Tandanacushca tucui israelcunaman Aarón chaita huillacujpica israelcunaca shitashca pamba ladoman tigrarishpa ricushpaca, Mandaj Diosca p'uyupi jatun achij nicuj ricurijtami ricurcacuna.

ÉXODO 16:7

Mandaj Diosca cancuna paita juchachishpa rimacushcatami uyashca. Cunan pacarijpica Mandaj Dios tucuita rurai tucuj cashcatami ricunguichij. Shina cajpica ñucanchijca ¿imataj canchigari cancuna juchachishpa rimachunca?– nircami.

ISAÍAS 35:2

Pamba jundatami sisanga. Cushicungami, jatunta cushicushpami cantanga. Líbano urcu sumaj canatami paipi churanga. Carmelo urcu, Sarón urcu sumaj canatami paipi churanga. Paicunaca Mandaj Dios jatun cashcatami ricungacuna. Ñucanchij Taita Dios achij nicuj cashcatami ricungacuna.

ISAÍAS 40:5

Chaipimi Mandaj Dios sumaj achij nicuj cashcaca ricuringa. Chaitaca tucui gentecunami tandanacushpa ricungacuna”. Mandaj Diosca, paipaj shimihuantajmi chashna nishca.

ISAÍAS 60:1

¡Israel cambaj luzmari shamushca jatariyari, cutin achijyachiyari. Mandaj Diospaj sumaj canamari canpi huacharishca!

EZEQUIEL 3:23

Shina nijpimi ñucaca jatarishcahuan urcuman rircani. Chaipimi Quebar jatun yacu c'uchupi cashpa ricushca shinallataj, Mandaj Dios sumaj cashcataca ricurcani. Chaimantaca pambaman tupangacamami cumurircani.

Mateo 1:20

Pai chashna yuyacujpimi, Jatun Diospaj ángel muscuipi ricurishpaca: “Davidpaj huahua huahua José, cambaj huarmi Mariata chasquinataca ama manchaichu. Pai chichushca huahuaca, jucha illaj Espiritumantami.

Lucas 1:28

María maipi cashcaman ángel yaicushpaca: –¡Allillachu cangui! Jatun Dios canhuan cashcamanta tucui huarmicunata yalli alli nishcami cangui. Taita Dios cushca allicunata chasquijmari cangui– nircami.

Lucas 2:8

Chai c'uchulla llajtacunapica michijcunami tiyarca. Paicunaca paicunapaj canlla ovejacunatami tuta chapashpa cuidacurcacuna.

Lucas 24:4

Chaipi paicuna mancharinacushpa shayacujpimi, lamyacuj churanata churarishca ishqui c'aricuna paicunapaj c'uchupi ñapish shayarircacuna.

Juan 12:41

Isaiasca Jesustaca tucuita rurai tucuj cashcata ña ricushcamantami chashna nirca.

Hechos 12:7

Chashna cajpipish Jatun Diospaj shuj ángel ñapish ricurishpami, cárcel ucutaca achijyachirca. Pedrotaca, costillapi tuparishpa rijchachishpaca: “Utca jatari” nircami. Chashna nincami huatashca cadenacunaca Pedropaj maquicunamantaca cacharirishpa urmarca.

Hechos 27:23

Ñucaca Taita Diospaj cashpa paipajta ruraj cajpimi, Taita Diosca cunan tuta paipaj angelta cacharca.

Hechos 5:19

Ashtahuanpish Jatun Diospaj shuj angelmi cárcel pungucunata tuta pascashpa, paicunata llujshichishpaca:

2 Corintios 3:18

Chaimi tucui ñucanchijca, ña mana ñahuita tapashca shina ricushpa, Mandaj Jesús sumaj cashcataca, espejo shina ricuchicunchij. Mandaj Jesuspaj Espiritullatajmi ñucanchijtaca, pai sumaj caj shina tucungacama ashtahuan ashtahuan shujtajyachicunlla.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

Hebreos 12:21

Paicuna ricucushcaca, yallitaj mancharina cajpimi, Moisespish: “Manchaihuan chujchucunimari” nirca.

Apocalipsis 18:1

Chai q'uipaca, cielomanta shujtaj ángel imatapish rurai tucunahuan uriyacujtami ricurcani. Chai angelca lamyacuj cashpami, allpa pachataca achijyachirca.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.