Lucas 2:51 - Dios Rimashca Shimicunami

⁵¹ Jesusca Nazaretman paicunahuan tigrashpaca, tucui ima nishcatapish cazushpami causarca. Paipaj mamaca, tucui imalla tucujta ricushpaca paipaj shungupimi huaquichishpa catirca.

Mushuj Testamento Diospaj Shimi

⁵¹ Chaimantaca, paicunahuan Nazaretman uriyashpaca, paicunata tucuipi alli caźushpami causarca. Paipaj mamaca tucui imalla tucushcataca, paipaj shungupi huaquichicurcallami.

Lucas 2:51 Iomraidhean Croise

GÉNESIS 37:11

Chaipicarin paipaj huauquicunaca ashtahuanmi p'iñarcacuna. Ashtahuanpish paipaj yayaca, chai muscuica imatashi nisha nin nishpami yuyacurcalla.

SALMOS 119:11

Ama juchallishpa quiquinta p'iñachingapajca quiquin imalla nishcacunataca ñuca shungupimi huaquichircani.

DANIEL 7:28

Pai huillashca shimicunaca chaicunami. Daniel ñuca, chaita uyashpaca ñuca yuyaipica yallitaj musparishpami, ñuca ñahuipish shujtajyarcani. Shina cashpapish tucui chaicunataca ñuca shungupimi huaquichircani.

Mateo 12:46

Chaipi cajcunaman Jesús huillacujpirajmi, paipaj mamapish, huauquicunapish paihuan rimangapaj canllapi shuyacurcacuna.

Mateo 3:15

Jesusca: –Shina cajpipish cunanca chaitaca saquishpa bautizaillari. Chashna rurashpami, Taita Dios mandashcataca tucuita pajtachishun– nijpimi Juanca bautizarca.

Marcos 1:9

Chai punllacunallapitajmi Jesusca Galileapi caj Nazaretmanta Juanpajman shamujpi, Juanca Jordán yacupi Jesustaca bautizarca.

Marcos 6:3

¿Manachu paica carpinterolla? ¿Manachu Mariapaj churilla? ¿Manachu paipaj huauquicunapish Jacobo, José, Judas, Simón? ¿Manachu paipaj panicunapish ñucanchij causan llajtallapitaj causancuna?– nishpami, Jesús yachachishcataca mana uyashun nishpa bullata rurarcacuna.

Lucas 18:37

–Nazaretmanta Jesusmari ricun– nircacuna.

Lucas 2:19

Ashtahuanpish Mariaca tucui chaicunataca, paipaj shungupi huaquichishpami yuyaricurcalla.

Lucas 2:39

Jatun Dios mandashcata tucuita pajtachishpami, Joseca Mariandij Galileapi caj paicuna causacushca Nazaret puebloman tigrarcacuna.

Lucas 4:16

Chai q'uipami Jesusca pai huiñashca Nazaretman rirca. Samana punllapica sinagogaman rij cashca shinallataj rishpami chaiman yaicurca. Chaipica Quillcachishcata rezangapajmi shayarirca.

Lucas 4:23

Chaimi Jesusca: –Cai nishcahuanca, ñucanchij nij cashca shinallatajmi: “Jambij runa, canllataj jambiriyari” nij shinachari. Capernaumpi ñuca imallata rurashcata uyashcamantaca, cai cambaj llajtapipish chai shinallataj ruraiyari ninguichij– nirca.

Efesios 5:21

Diosta manchashcamanta, caishuj chaishuj cazunacuichij.

1 Pedro 2:21

Chashna llaquita apachun cayashcacunami carcanguichij. Cristopish ñucanchijmantaca llaquita aparcami. Pai apashca shinallataj ñucanchijpish llaquita apachunmi chashna tucurca.