Lucas 2:49 - Dios Rimashca Shimicunami

⁴⁹ Chaimi Jesusca: –¿Ima nishpataj ñucataca mashcarcanguichigari? Ñuca Yayapaj huasipi imalla rurana cashcapaj cana cashcataca ¿manachu yacharcanguichij?– nirca.

Mushuj Testamento Diospaj Shimi

⁴⁹ Chashna nijpi Jesusca: —¿Ima nishpataj Ñucataca mashcarcanguichigari? Ñuca Yayapajta ruracuna cashcataca, ¿manachu yachanguichij?— nircami.

Lucas 2:49 Iomraidhean Croise

SALMOS 40:8

Ñuca Dioslla, ñuca cushicunaca quiquinpaj munaita ruranami. Quiquin mandashcaca ñuca shungu ucupimari” nircanimi.

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

Mateo 21:12

Diospaj huasiman Jesús yaicushpaca, c'atucujcunata, randicujcunatapish tucuicunatami llujshichishpa cacharca. Cullquita cambiajcunapaj mezacunatapish, palomacunata c'atujcuna tiyarinacunatapish t'angashpa pambaman shitashpaca,

Lucas 2:48

Chaipi cajta ricushpami yaya mamaca mancharircacuna. Chaimi paipaj mamaca: –Huahua ¿ima nishpataj cashnaca ruranguiyari? Yayapish, ñucapish achcata mancharishpamari mashcamunchij– nircami.

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Juan 5:17

Chaimi Jesusca: –Ñuca Yayaca, trabajanataca mana saquinchu. Ñucapish trabajanataca mana saquinichu– nirca.

Juan 5:36

Ñuca Yaya rurai nishcatami ñucaca ruracuni. Chaita ñuca rurashcacunallatajmi Juan huillashcatapish yalli ñucataca ñuca Yaya cachashca cashcata ricuchicun.

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

Juan 8:29

Ñucata cachaj Yayaca ñucahuanmi. Ñucaca pai munashcallatami rurani. Chaimantami ñucallataca mana saquin– nircami.

Juan 9:4

Ñucata cachaj Yaya imallata rurai nishcataca punllaraj cajpimi, rurana cani. Ña tutayajpica pi mana imata rurai tucunchu.