Lucas 2:41 - Dios Rimashca Shimicunami

⁴¹ Jesuspaj yaya mamaca huatantami, Jerusalén Pascua fiestaman rijcuna carca.

Mushuj Testamento Diospaj Shimi

⁴¹ Jesuspaj yaya mamaca huatantami, Pascua jatun punllacunaman Jerusalenman rijcuna carca.

Lucas 2:41 Iomraidhean Croise

ÉXODO 12:11

Chai aichataca alli chumbillirishca, pargatetapish churarishca, tauna caspitapish maquipi aisashcami micuna canguichij. Mandaj Diospaj Pascua cashcamantaca utcami micuna canguichij.

ÉXODO 12:14

Chai punllataca cancunaca yuyaricunallami canguichij. Mandaj Diospaj jatun fiestataca cancunapaj huahua huahuacunapish ruracungallacunami. Chai mandashcaca huiñaipaj cashcamanta ruracunallami canguichij.

ÉXODO 34:23

Israel cancunaca tucuicunami huatapi quimsa cutin israelcunapaj Mandaj Jatun Diospaj ñaupajpi ricurigrina canguichij.

LEVÍTICO 23:5

Huata callaripaj punta quilla chunga chuscu punlla tutayamuitaca Mandaj Diospaj Pascuami.

NÚMEROS 28:16

Mandaj Diospaj Pascua punllaca huatapaj punta quilla, chai quillapaj chunga chuscu punllapimi canga.

Lucas 2:42

Paicunaca chunga ishqui huatata Jesús charijpipish, Jerusalén fiestamanmi huichiyarcacuna.

Juan 11:55

Judiocunapajca Pascua fiestami chayamucurca. Chaimantami chai llajtacunamantaca, Pascua punllapi Taita Diospaj ñaupajpi alli ricuringapaj, imallata rurana cashcata rurangapaj achcacuna ñaupaman Jerusalenmanca huichiyarcacuna.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 2:13

Judiocunapaj Pascua fiesta ñalla chayamucujpimi, Jesusca Jerusalenman rirca.

Juan 6:4

Judiocunapaj Pascua fiestami ña chayamucurca.

DEUTERONOMIO 12:11

Mandaj Dios cancunapaj Taita Dios paipaj shutita maipi churanata ña agllajpica tucui ñuca imalla apachun mandashcacunataca caicunatami chaiman apana canguichij: Diosman tucuita cushpa tucui rupachinata, paiman cushpa rupachinata, chungamanta shujta cunata, maquihuan huichi ricuchishpa cunata, cancunapaj shimihuantaj ima ashtahuan allita Mandaj Diosman cusha nishcacunatapishmi apana canguichij.

DEUTERONOMIO 12:18

Ashtahuanpish Mandaj Dios cancunapaj Taita Dios agllashca pueblopimi Mandaj Dios cancunapaj Taita Diospaj ñaupajpi micuna canguichij. Cancunapish, cancunapaj churicunapish, ushushicunapish, cancunapajta ruraj c'aricunapish, huarmicunapish, cancuna causacunpi causaj levitacunahuanpishmi chaitaca micuna canguichij. Cancunapaj maquihuan trabajashcamantaca Mandaj Dios cancunapaj Taita Diospaj ñaupajpi chashna cushicunguichij.

DEUTERONOMIO 16:16

Mandaj Dios agllashca pueblopica, cada huatapaj quimsa cutinmi cai fiestacunapimi ricurigrina canguichij: Levadura illajlla tandata micuna jatun fiestapi, granota tandashcamanta cushicuna jatun fiestapi, ramacunahuan chugllacunata rurashca jatun fiestacunapimi tucui c'aricuna Mandaj Dios cancunapaj Taita Diospaj ñaupajpi ricurigrina canguichij. Chai jatun fiesta punllacunapica ni pi ama Mandaj Diospaj ñaupajpica chushaj maquilla ricurigringuichijchu.

1 SAMUEL 1:21

Chai cati huatapish Elcanaca, tucui paipaj huasi ucu familiandij Mandaj Diosman sacrificiota cuj cashca shinallataj cunaman, Mandaj Diosman cusha nishcata pajtachingapajpishmi Silo puebloman rirca.

1 SAMUEL 1:3

Elcanaca tucuita Mandaj Diosta adorangapaj, sacrificiocunata cungapajmi pai causacun pueblomantaca, Silo puebloman huatanta huichiyaj carca. Chaipica Elipaj Ofni, Finees shuti ishqui churicunami Mandaj Diospajta rurashpa causacurcacuna.