Lucas 2:38 - Dios Rimashca Shimicunami

³⁸ Chai yallitaj yuyaj huarmica Simeón rimacujpiraj chayashpami chai huahuata ricushpa Diosta pagui nirca. Jerusalenpi causajcuna Quishpichijta shuyacujcunamanpish tucuicunamanmi huillarca.

Mushuj Testamento Diospaj Shimi

³⁸ Chai huarmipish chai horasllataj chaipi ricurishpami, Taita Diosta pagui nirca. Shinallataj Jerusalenpi causajcunata Dios quishpichichun shuyacujcunamanmi, huahua Jesusmantaca huillarca.

Lucas 2:38 Iomraidhean Croise

Marcos 15:43

Chai chishimi mandajcunalla tandanacushcapuramanta Arimateamanta caj José shamurca. Paica paicunapurapica alli nishcami carca. Paipish Taita Dios mandana punllata shuyacujmi carca. Paimi mana manchashpa, Pilatopajman shamushpaca Jesuspaj cuerpota pambangapaj mañarca.

Lucas 1:68

“Israelcunata Mandaj Taita Diosca allimari. Paipaj cajcunataca quishpichishpa llujshichingapajmi shamushca.

Lucas 2:25

Chai punllacunaca Jerusalenpica, Simeón shuti runami tiyarca. Paica cashcata ruraj, Diosta manchaj, israelcunata Dios quishpichinata shuyacujmi carca. Jucha illaj Espiritupish paipaj jahuapimi carca.

Lucas 2:36

Ana shuti yallitaj yuyaj huarmipish chaipimi carca. Paica Dios ima nishcata huillajmi carca. Chai huarmica, Aserpaj aillumanta caj Fanuelpaj ushushimi carca. Pai cazarashca canchis huatallapimi cusaca huañushca carca.

Lucas 23:51

Paipish Taita Dios mandai callari punllata shuyacujmi carca. Chashna cashpami caishuj mandajcuna ima shinalla yuyarinacushcatapish, Jesusta ima shina llaquichicujtapish mana allichu nicurca.

Lucas 24:21

Ñucanchijca cai Israeltaca paimi quishpichinga nishpamari yuyacurcanchij. Ashtahuanpish paita huañuchishcaca, ñamari quimsa punlla tucun.

2 Corintios 9:15

¡Ima shimicunahuan mana pagui ni tucuipajcunata cushcamantami, Diostaca pagui nini!

Efesios 1:3

Ñucanchijta Mandaj Jesucristopaj Yaya Diostaca, alli nishca cachun. Cristomantami jahua pacha llajtacunapi tiyaj allicunata ñucanchijmanca cushca.