Lucas 2:37 - Dios Rimashca Shimicunami

³⁷ Paica pusaj chunga chuscu huatatami viuda causarca. Chai huarmica Diospaj huasimantaca manataj anchushpami, tutapish punllapish Diospajta rurashpa, ayunashpa, mañashpa causarca.

Mushuj Testamento Diospaj Shimi

³⁷ Chaimantaca, ñami pusaj chunga chuscu huatata viuda causacurca. Paica tutapish, punllapish Diospaj huasimantaca manataj anchurij carcachu. Ayunashpa, mañashpa, Diosta servicurcallami.

Lucas 2:37 Iomraidhean Croise

SALMOS 22:2

Ñuca Dioslla, punlla mañajpipish, mana cutichinguica. Tuta mañajpipish, mana samachinguica.

SALMOS 23:6

Tucui ñuca causai punllacunapimi, quiquin llaquishpa cushcaca jahuanpi jahuanpi ñucataca catiranga. Mandaj Diospaj huasipimi achca huatacunata causasha.

SALMOS 27:4

Mandaj Diostaca shuj mañanatami mañarcani. Tucui ñuca causaipi, paipaj huasipi causanatami mañarcani. Chaipica pai sumaj cashcatami alli alli yachasha nini. Paihuanmi parlanacusha nini. Chaitami mashcani.

SALMOS 84:10

Shuj punllallatapish quiquinpaj huasi canllapi canaca, huaranga punllacunata shujtajpi canata mai yalli allimari. Millaicuna causacunpi causanata agllanapaj randica, ñuca Taita Diospaj huasi pungupi canatami agllani.

SALMOS 84:4

Quiquinpaj huasipi causajcunaca cushijllami. Paicunaca quiquintaca alabacungallacunami. Selah

SALMOS 92:13

Mandaj Diospaj huasipi tarpushcacunamari. Ñucanchij Taita Diospaj huasi canllapimi sisanga.

ÉXODO 38:8

Maillarinapaj yacuta churana tanquetapish chai tanqueta tiyachina basatapish broncemantami rurarca. Diospaj carpa huasi pungupi Diospajta ruraj huarmicunapaj bronce espejocunamantami chaicunataca rurarca.

Lucas 5:33

Jesús chashna nijpimi paicunaca: –Bautizaj Juanpaj yachacujcunapish, fariseocunapaj yachacujcunapish ayunacunllacunami, Diosta mañacunllacunami. ¿Ima nishpataj cambaj yachacujcunaca mana chashna rurashpa micucunllacuna, ubyacunllacuna?– nircacunami.

Hechos 13:3

Ayunashpa Taita Diosta mañashca q'uipaca, paicunapaj jahuapi maquita churashpa alli ringuichij nishpami cacharcacuna.

Hechos 14:23

Tandanacushca crijcuna tiyanpica, tucuipimi cunaj yuyajcunata churarcacuna. Ayunashpa, Taita Diosta mañashca q'uipaca paicunataca paicuna crishca Mandaj Jesusmanmi mingarcacuna.

Hechos 26:7

Chai cusha nishcataca ñucanchij ñaupa yayacunamanta chunga ishqui aillucunaca tutapish punllapish, chai cusha nishcata japina yuyaillami Taita Diospajta rurashpa shuyacuncuna. Jatun mandaj Agripalla, ñucapish chai shinallataj shuyacushcamantami, judiocuna juchachishca cani.

1 Timoteo 5:5

Ashtahuanpish sapalla caj viudaca, tutapish, punllapish Diosta rogana, mañana yuyaillami causan.

Apocalipsis 3:12

Mishajtaca, ñuca Diospaj huasipaj pilartami rurasha. Chaimantaca, manataj llujshingachu. Paipica, ñuca Diospaj shutita, ñuca Diospaj pueblopaj shutitapish quillcashami. Chai puebloca jahua pacha ñuca Diospajmanta uriyamucuj mushuj Jerusalén shutimi canga. Mishajcunapica ñuca mushuj shutitapish quillcashami.

Apocalipsis 7:15

Chaimantami paicunaca jatun tiyarinapi tiyacuj Diospaj ñaupajpi punllapish, tutapish Diospaj huasipi paipajta ruran. Chai jatun tiyarinapi tiyacujmi, paicunata huaquichingapajca paipaj carpa huasita ashtahuan cacharinga.

1 SAMUEL 2:2

Mandaj Dios shina jucha illajca, mana tiyanchu. Can Dios shinaca pi shujtaj mana tiyanchu. Ñucanchij Dios shina huaquichijca pi mana tiyanchu.