Lucas 2:25 - Dios Rimashca Shimicunami

²⁵ Chai punllacunaca Jerusalenpica, Simeón shuti runami tiyarca. Paica cashcata ruraj, Diosta manchaj, israelcunata Dios quishpichinata shuyacujmi carca. Jucha illaj Espiritupish paipaj jahuapimi carca.

Mushuj Testamento Diospaj Shimi

²⁵ Chai punllacunapica cashcata ruraj, Diosta manchaj Simeón shuti runami Jerusalenpi causacurca. Paica, israelcunata Dios quishpichichunmi shuyacurca. Diospaj jucha illaj Espíritu Paihuan cashpami,

Lucas 2:25 Iomraidhean Croise

GÉNESIS 6:9

Noepaj huahua huahua callari yayacunaca caicunami: Noé causai punllacunapica, Noellami cashcata ruraj, ima juchachina illajlla carca. Noeca Taita Dioshuanmi purirca.

JOB 1:1

Uz llajtapimi Job shuti runa causarca. Paica, ima pandata mana ruraj, allita ruraj, Diostapish manchaj, millaita ruranatapish p'iñajmi carca.

JOB 1:8

Chashna nijpimi Mandaj Diosca, Satanastaca: –Allpa pachapica ñucata servij Job shinaca pi shujtaj mana tiyanchu. Paica ima pandata mana ruraj, allita ruraj, ñucatapish manchaj, millaita ruranatapish p'iñajmi– nircami.

ISAÍAS 25:9

Chai punllapica: “¡Riqui caimari ñucanchij Taita Diosca! Paitamari shuyarcanchij, paimi ñucanchijtaca quishpichinga. ¡Ñucanchij shuyacushca Mandaj Diosca paimari! Pai quishpichishcamanta cushicushun yallitaj cushicushun” ningacunami.

ISAÍAS 40:1

“¡Cushichichij, cushichichij ñuca agllashcacunata!” ninmi cancunapaj Taita Diosca.

MIQUEAS 6:8

Huañujlla aichayuj runalla, paica canmanca imalla alli cana cashcataca ñamari huillarca. Mandaj Diosca cantaca caillatamari rurachun mañan: “Imatapish cashcata ruraj cachun, c'uyaj cachun, llaquij cachun, cambaj Taita Diospaj ñaupajpi llaquirishpa cazuj cachunmi munan.

NÚMEROS 11:25

Chaipimi Mandaj Diosca, p'uyupi uriyamushpa Moiseshuan rimarca. Mandaj Diosca Moisespi caj Espirituta japishpami, canchis chunga cunaj yuyajcunapi churarca. Chai Espirituta paicunapaj jahuapi churajpica, Dios huillachishcatami huillarcacuna. Cai shina ruranataca cutinca mana rurarcachu.

NÚMEROS 11:29

Chaimi Moisesca: –¿Canca Dios huillachishcata huillajca ñucalla cachun nishpachu huañuricungui? Tucui israelcuna Mandaj Dios huillachishcata huillaj cashpapish allichari canman. Mandaj Diosca tucui paicunapaj jahuapipish paipaj Espirituta churashpachari alli canman– nircami.

Marcos 15:43

Chai chishimi mandajcunalla tandanacushcapuramanta Arimateamanta caj José shamurca. Paica paicunapurapica alli nishcami carca. Paipish Taita Dios mandana punllata shuyacujmi carca. Paimi mana manchashpa, Pilatopajman shamushpaca Jesuspaj cuerpota pambangapaj mañarca.

Lucas 1:41

Elisabetpaj huijsapi caj huahuaca jaitarircallami. Chaipimi jucha illaj Espirituca Elisabetta japijpi,

Lucas 1:6

Paicunaca ishquindijtajmi Taita Diospaj ñaupajpica, cashcata rurajcuna carca. Jatun Dios tucui mandashcacunata, rurai nishcacunataca chaitataj rurashpa pi mana juchachipajcunami carca.

Lucas 1:67

Juanpaj yaya Zacariasca, jucha illaj Espíritu rimachijpimi, ima shina tucunata cashna nishpa huillarca:

Lucas 2:38

Chai yallitaj yuyaj huarmica Simeón rimacujpiraj chayashpami chai huahuata ricushpa Diosta pagui nirca. Jerusalenpi causajcuna Quishpichijta shuyacujcunamanpish tucuicunamanmi huillarca.

Lucas 23:51

Paipish Taita Dios mandai callari punllata shuyacujmi carca. Chashna cashpami caishuj mandajcuna ima shinalla yuyarinacushcatapish, Jesusta ima shina llaquichicujtapish mana allichu nicurca.

Hechos 10:2

Paica paipaj familiandij Taita Diosta yuyarij, Taita Diosta manchaj, Taita Diosta mañaracujmi carca. Israelcunata llaquishpa achcata cujmi carca.

Hechos 10:22

paicunaca: –Ñucanchijca patsaj soldadocunata mandaj Cornelio cachajpimi shamunchij. Paica Taita Diosta manchaj, cashcata rurajmi. Paica judiocuna alli nishcami causan. Paimanmi jucha illaj ángel ricurishpaca: “Pedrota cambaj huasiman pushanaman cachai, pai imalla huillashcata alli uyangui” nishcami– nircacunami.

Hechos 2:5

Tucui llajtacunapi causacushca judiocunami chai punllapica Jerusalenman shamushpa chaipi causacurcacuna. Paicunaca Taita Diosta yuyarijcunami carcacuna.

Hechos 24:16

Chaimantami Taita Diospaj ñaupajpi, runacunapaj ñaupajpipish pi mana juchachipaj caiman yuyacuni.

DEUTERONOMIO 18:15

Mandaj Dios cancunapaj Taita Diosca cancunapuramanta cancunapaj huauquicunatami ñuca shinallataj huillajta shujtajta jatarichinga. Paita uyanguichij.

2 Pedro 1:21

Profetacunaca paicunapaj yuyaillamantaca manataj huillashcacunachu. Ashtahuanpish Diospajlla caj runacunami, Diospaj jucha illaj Espíritu huillachijpi huillashcacuna.