Lucas 2:13 - Dios Rimashca Shimicunami

¹³ Chaipica ñapish jahua pacha achca angelcuna, chai huillacuj angelhuan ricurishpami, Diosta alabashpa cashna nircacuna:

Mushuj Testamento Diospaj Shimi

¹³ Chashna nincami ñapish jahua pachamanta huaranga huaranga angelcuna ricurishpa, chai angelhuan, Diostaca cashna alabarcacuna:

Lucas 2:13 Iomraidhean Croise

GÉNESIS 28:12

Paica, pambamanta jahua pachacama shuj jatun escalera paipaj c'uchupi shayacujta, chai escalerapica Taita Diospaj angelcuna huichiyacujta uriyacujtami muscurca.

1 REYES 22:19

Chaimi Micaiasca: –Mandaj Dios imata nishcata uyayari. Mandaj Diostaca paipaj jatun tiyarinapi tiyacujtami ricurcani. Jahua pachapi paipajta rurajcunapish alli ladomanpish, lluqui ladomanpish paipaj c'uchupi cajtami ricurcani.

JOB 38:7

Pacarij luzerocuna tucuicuna alabacujpi, Diospaj churicunapish tucuicuna cushicucujpica ¿maipitaj carcangui?

SALMOS 148:2

Tucui paipaj angelcunapish alabaichigari. Tucui paipaj soldadocunapish alabaichigari.

SALMOS 68:17

Taita Diospaj carrocunaca huaranga, huarangacunamari. Jatun Diosca Sinaí urcumantami paipajlla huasimanca shamun.

EZEQUIEL 3:12

Chaimantaca Diospaj Espiritumi ñucata jatarichirca. Ñapish huashamantaca sinchita caparishpa cashna nishcami uyarirca: “Mandaj Dios sumaj cashcataca, pai causacunmantataj alli nishca cachun” nishpa rimashcami uyarirca.

DANIEL 7:10

Paipaj ñaupajmantaca, ninami jatun yacu shina llujshicurca. Paipajtaca huaranga, huarangacunami ruracurca. Paipaj ñaupajpica yallitaj huaranga huarangacunami carca. Juez tiyarijpica, librocunaca pascashcami carca.

Lucas 15:10

Cancunaman huillanimi: Chashnallatajmi shuj juchayuj runa Taita Diosman cutirijpica, Taita Diospaj angelcunapish cushicun” nircami.

Lucas 2:12

Cancuna rishpaca, huagracuna shayana ucupimi, maitushca huahua siricujta ricunguichij. Chaita ricushpami pai cashcata yachanguichij– nirca.

Lucas 2:14

“¡Jahua pachapi caj Diostaca tucuicuna alli nishca cachun! ¡Cai pachapipish pai c'uyashpalla cushcata chasquijcunaca sumaj causaita charichun!” nircacunami.

Efesios 3:10

Shinallataj Diospaj tucui laya yachaitaca jahua pacha llajtacunapi poderyujcunaman, mandanata charijcunamanpish tandanacushca crijcunapi ricuchingapajmi curca.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

Hebreos 1:14

¿Manachu tucui angelcuna Diospajta ruraj espiritucuna? ¿Manachu paicunaca quishpirinata japijcunapaj allita rurachun cachashcacuna?

1 Pedro 1:12

Profetacuna chashna yuyacujpipish Diosllatajmi paicuna yachashun nicushcaca mana paicunapaj cashcata, ashtahuanpish ñucanchijpaj cashcata ricuchishca. Chai profetacuna huillacushcataca jahua pachamanta cachashca Jucha Illaj Espíritu huillachijpimi, alli huillaita cancunaman cunan huillacuncuna. Caicunataca jahua pacha angelcunapishmi yachaiman yuyacuncuna.

Apocalipsis 5:11

Chai q'uipaca, jatun tiyarinapaj, causaiyujcunapaj, ancianocunapaj muyundijpica, achca angelcuna rimashcatami uyarcani. Paicunaca, mana yupaipaj huaranga huarangacunami,