Lucas 2:11 - Dios Rimashca Shimicunami

¹¹ Cunanmari Davidpaj pueblopica, shuj Quishpichij huacharishca. Paica Mandaj Cristomi.

Mushuj Testamento Diospaj Shimi

¹¹ Cunanmari Davidpaj pueblopica, cancunapaj Quishpichij huacharin. Paica Mandaj CRISTOMARI.

Lucas 2:11 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

SALMOS 2:2

Cai allpapi caj jatun mandajcunapish jataringami. Mandajcunapish tandanacushpa jatarishpami, Mandaj Diostapish, pai churashca mandajtapish:

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

Mateo 1:16

Jacobpaj huahuaca Josemi carca. Chai Josemi Mariapaj cusa carca. Chai Mariapimi Cristo shuti Jesusca huacharirca.

Mateo 1:21

Paica shuj churitami huachanga. Paitaca Jesús shutita shutichingui. Paica paipaj cajcunatami juchacunamanta quishpichinga” nircami.

Mateo 16:16

Simón Pedroca: –Canca causaj Diospaj Churi, Cristomari cangui– nirca.

Mateo 16:20

Chaipimi paipaj yachacujcunataca, Jesusca, Jesusmari Quishpichij Cristoca nishpa pajta piman ninguichijman nirca.

Lucas 1:43

Ñucataca ¿ima cajpitaj ñucata Mandajpaj mamaca ricuj shamurcanguiyari?

Lucas 1:69

Paipajta ruraj Davidpaj huasi ucupuramantami, tucuita rurai tucuj Quishpichijta cushca.

Lucas 2:26

Paimanca Jucha illaj Espiritumi, Jatun Dios cachashca Quishpichij Cristota ricungacama, manaraj huañunguichu nishca carca.

Lucas 2:4

Josepish, Galileapi caj Nazaretmantaca, Judeapi caj Belenmanmi huichiyarca. Ñaupa yaya Davidca chaipi huacharishca cashcamantami, Joseca Davidpaj huahua huahua cashcamanta chaiman rirca.

Juan 1:41

Andresca paipaj huauqui Simonhuanraj tupashpaca: –Mesiashuanmari tupashcanchij– nircami. (Mesías nishcaca: “Cristo” nisha ninmi).

Juan 1:45

Felipeca, Natanaelta mashcashpa paihuan tupashpaca: –Moisés quillcashpa mandashcapi, Profetacuna quillcashpa huillashcapi nishca runahuanmari tupashcanchij: Paica, Nazaret pueblomanta Josepaj churi Jesusmi cashca– nircami.

Juan 11:27

Chaimi Martaca: –Ari, Mandaj Jesús. Ñucaca cantaca Cristo, cai pachaman shamuna cashca Taita Diospaj Churi cashcatami crini– nirca.

Juan 20:31

Jesustaca Quishpichij Cristo cashcata, Taita Diospaj Churi cashcatapish crishpa paimanta huiñai causaita charichunmi cai tucui quillcataca quillcashca.

Juan 4:25

Chaimi chai huarmica: –Cristo nishca Mesías shamuna cashcataca yachanimi. Pai shamushpami ima shina cashcata tucuita alli huillanga– nirca.

Juan 4:42

chai huarmitaca: –Can huillashcallamantaca mana crinchijchu. Ñucanchijtaj pai huillashcata uyashpami crinchij. Paica cai pachata Quishpichij Cristotaj cashcatami cunantajca ña yachanchij– nircacunami.

Juan 6:69

Ñucanchijca cantaca causaj Taita Diospaj Churi cashcatami crinchij. Cristo cashcatapish yachanchijmi– nirca.

Juan 7:41

Shujtajcunaca: “Caitajca Cristomi” nircacunami. Maijancunaca: “¿Galileamantachari Cristoca shamungari?.

Hechos 10:36

Taita Diosca shuj huillanatami israelcunamanca cacharca. Chaica Jesucristomanta sumaj causaita charina cashcata huillanami. Paica tucuicunata Mandajmi.

Hechos 13:23

Taita Diosca pai cusha nishca shinallatajmi, Davidpaj huahua huahuamanta israelcunapaj Quishpichij cachunca Jesusta curca.

Hechos 17:3

Taita Diospaj Shimi ima nicushcata paicunaman huillashpa: –Cristoca llaquita apashpa, huañushcacunapaj chaupimanta causarinatajmi carca. Cunan cancunaman huillacushca Jesusca paitajmari Quishpichij Cristoca– nishpami alli entendichirca.

Hechos 2:36

Tucui israelcunami caitaca allitaj yachana canguichij. Chai cancuna chacatashca Jesusllatatajmi Mandaj cachunpish, Quishpichij Cristo cachunpish Taita Diosca churarca” nircami.

Hechos 5:31

Paitami Taita Diosca jatunyachishpa Mandaj cachun, Quishpichij cachunpish paipaj alli ladopi tiyachirca. Taita Diosca israelcunata Diosman cutirijta rurashpa paicunapaj juchacunata perdonangapajmi chashna rurarca.

1 Corintios 15:47

Punta runaca allpamantami carca, allpallatajmi. Q'uipa runaca jahua pachamantami, paica Mandaj Jesusmi.

Filipenses 2:11

Dios Yaya sumajyarichunca tucui c'allucunami Jesucristotaca Mandajmi nishpa huillangacuna.

Filipenses 3:8

Cristo Jesús ñucata Mandajta rijsishcamantami, tucui chaicunataca yangataj cashcata yachani. Paita c'uyashcamantami tucuita chingachircani. Cristo ñucapi cachunmi, tucui chaicunataca ñucu shinata rurarcani.

Colosenses 2:6

Chaimanta ima shinami Mandaj Jesucristota chasquircanguichij, chai shinallataj paihuan shuj shinalla purichij.

1 Juan 4:14

Cai pachapi causajcunata Quishpichij cachun, Yayaca paipaj Churita cachashcatami ricurcanchij. Chaitami ñucanchijca huillacunchij.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.