Lucas 2:10 - Dios Rimashca Shimicunami

¹⁰ Chaimi angelca: –Ama manchaichijchu. Ñucaca tucuicuna jatunta cushicuna alli mushuj huillaitami, cancunamanca huillaj shamuni:

Mushuj Testamento Diospaj Shimi

¹⁰ Ashtahuanpish angelca, cashnami nirca: «Ama manchaichijchu. Ñucaca, jatunta cushicuna alli huillaitamari, tucui israelcunapaj apamuni:

Lucas 2:10 Iomraidhean Croise

GÉNESIS 12:3

Canta c'uyajcunataca c'uyashami. Canta p'iñajcunataca p'iñashami. Cai pachapi tucui causajcunaca canmantami alli nishca cangacuna” nircami.

ISAÍAS 40:9

Sionmanta huillaj, shuj jatun urcuman huichiyai. Jerusalenmanta huillaj, tucui fuerzahuan caparishpa huillayari. Mana manchashpa jatariyari. Judá llajtapi caj pueblocunamanca: “¡Caipimi cancunapaj Taita Diosca!” nichigari.

ISAÍAS 41:27

Ñucamari caicunataca Siónpi causajcunamanca, callarimantapacha tucuita huillarcani. Jerusalenpi causajcunapajmanca, cushicunata huillachunmi shuj huillajta cachasha.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

ISAÍAS 52:10

Mandaj Diosca tucui llajtacunapaj ñaupajpimi paipaj jucha illaj rigra camizata huichiman pillushca. Ñucanchij Taita Dios quishpichishcataca tucui cai pachapi tiyaj llajtacunapi causajcunami ricungacuna.

ISAÍAS 52:7

¡Urcucunata shamushpa cushicui huillaita apamujpaj chaquica yallitaj sumajmari! Paica sumaj causaita, alli huillaita, quishpirinata huillashpami Sionmanca: “¡Cambaj Taita Diosmi mandagrin!” ninmi.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

DANIEL 10:19

cashnami nirca: “Canca yallitaj c'uyashcami cangui, ama manchaichu. Sumaj causaica canhuan cachun. Fuerzata japishpa sinchita shayari” nircami. Pai chashna rimacujpiraj fuerzata japishpami paitaca: “Cunanca ñami fuerzata curcangui, rimahuailla ñuca amito” nircani.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Mateo 14:27

Ashtahuanpish Jesusca: –Ñucamari cani. ¡Ama mancharichijchu!– nircami.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Mateo 28:5

Ashtahuanpish angelca, chai huarmicunamanca: “Cancunaca ama manchaichijchu. Chacatashca cashca Jesusta mashcacujtaca, ñucaca yachanimi.

Marcos 1:15

“Taita Dios mandanaca ñami c'uchuyamushca. Chai punllamari chayamushca. ¡Mana alli ruracushcata saquishpa, alli huillaita crichij!” nirca.

Marcos 16:15

Cashnapishmi nirca: –Alli huillaita tucuicunaman huillangapaj tucui cai pachata richij.

Lucas 1:13

Angelca cashnami nirca: –Zacarías, ama manchaichu. Can mañashcataca Diosca uyashcami. Cambaj huarmi Elisabetca, shuj c'ari huahuatami huachanga. Paitaca Juan shutita shutichingui.

Lucas 1:19

Shina nijpi angelca: –Ñucaca Diospajta rurangapaj paipaj ñaupajpi shayacuj Gabrielmi cani. Paimari canman cai alli huillaita huillachun cacharca.

Lucas 1:30

Chaimi angelca: –María, ama manchaichu. Taita Diosmari canmanca mana c'uyaipajta c'uyajta cungapaj agllashca.

Lucas 2:11

Cunanmari Davidpaj pueblopica, shuj Quishpichij huacharishca. Paica Mandaj Cristomi.

Lucas 24:47

Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Lucas 8:1

Chai q'uipami Jesusca tucui pueblocunapi, muyundij llajtacunapipish, Dios mandagrin alli huillaita huillashpa purirca. Chunga ishqui yachacujcunapish,

Hechos 13:32

Taita Diosca ñucanchij ñaupa yayacunamanca shuj Quishpichijtami cachasha nishca. Ñucanchijca chai alli huillaitami huillacunchij.

Romanos 10:15

Cachajcuna mana tiyajpica ¿ima shinataj huillagringacunari? Cashnami quillcashca tiyacun: “¡Sumaj causaita huillajcunapaj, alli huillaita huillajcunapaj chaquicunaca sumajmari!” ninmi.

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Colosenses 1:23

Chaimanta cancunaca crishcapi, sapiyashpa sinchi catichij. Alli huillaita huillajpi cancuna imata japina cashcataca uyarcanguichijmi. Chaimantaca ama anchurishpa chai yuyailla caichij. Chaitaca tucui cai pachapi causajcunamanmi huillashca. Ñucapish chaita huillachun churashca Pablomi cani.