Lucas 2:1 - Dios Rimashca Shimicunami

¹ Chai punllacunapimi Augusto shuti Cesarca pai mandacun tucui llajtacunapi causajcuna, shuticunata quillcachichun nishpa huillachirca.

Mushuj Testamento Diospaj Shimi

¹ Chai punllacunapimi cashna tucurca: Augusto shuti Cesarmi, pai mandacun tucui llajtacunapi causajcunata yupachun mandashpa huillachirca.

Lucas 2:1 Iomraidhean Croise

ESTER 10:1

Jatun mandaj Asueroca, pai mandacun tucui llajtacunapi causajcunatapish, yacu c'uchupi caj llajtacunapi causajcunatapish, ashtahuan impuestota cuchunmi mandarca.

Mateo 22:17

Chaimantami caita tapushun ninchij: Cesarman tributota cunaca mandashcapi nishca shinaca ¿allichu canga, imashi? ¿Canca ima ninguitaj?– nishpami tapurcacuna.

Mateo 24:14

Dios mandacun alli huillaitaca, tucui cai pachapi causajcunamanmi huillashpa yachaj chayachishca canga. Chai q'uipami cai shina causaica tucuringa.

Marcos 14:9

Tucui cai pachapica, maipipish cai alli huillaita huillacushpaca, cai huarmi imata rurashcatapishmi huillangacuna. Chaipica, allitamari rurashca nishpami yuyaringacuna. Chashnatajmi canga– nircami.

Marcos 16:15

Cashnapishmi nirca: –Alli huillaita tucuicunaman huillangapaj tucui cai pachata richij.

Lucas 2:3

Shuticunata quillcachinamanca tucuicunami paicunapaj quiquin pueblocunaman rina carca.

Lucas 2:5

Joseca cazaranapaj ari ninacushca Mariandijmi shuticunata quillcachingapaj chaimanca rirca. Mariaca chichumi carca.

Lucas 3:1

Tiberio shuti César chunga pichca huatata mandacujpica, Poncio Pilatoca Judea llajtata, Herodesca Galilea llajtata, paipaj huauqui Felipeca Iturea llajtata, Traconite llajtatapishmi mandacurca. Lisaniasca Abilinia llajtatami mandacurca.

Hechos 11:28

Paicunapuramanta Agabo shuti runa shayarishpami, Taita Diospaj Espíritu huillachijpi, tucui cai pachapi causajcunapajca jatun yaricai tiyana cashcata huillarca. (Chaica, Claudio mandacui punllacunapimi chashna tucurca.)

Hechos 25:11

Ima jatun llaquita, mana cashpaca huañuchipaj ima millaita rurashca cashpaca, huañuchichun mana mitsarimanchu. Ashtahuanpish paicuna ñucata juchachicushca manapish chashna cajpica, pi mana paicunaman cui tucunchu. Ñucataca Cesartaj alli tapuchun ninimi– nircami.

Hechos 25:21

Chaipimi paillataj: “Ñucataca Augusto tapushpami imatapish ninga” nishcamanta, Cesarpajman ñuca cachangacama prezullapitaj alli cuidachun mandarcani.

Romanos 1:8

Tucuimanta yallica cancuna crishca, tucui cai pachapi huasha huasha uyaricushcamantami, Jesucristomanta ñuca Taita Diostaca pagui nicunilla.

Filipenses 4:22

Tucui jucha illajcunami cancunataca alli cashca cachun nincuna. Ashtahuantajca Cesarpaj huasipi cajcunami, alli cashca cachun nincuna.