Lucas 19:9 - Dios Rimashca Shimicunami

⁹ Chaimi Jesusca: –Cunanmari cai huasimanca, quishpirina chayamushca. Paipish Abrahampaj huahua huahuamari.

Mushuj Testamento Diospaj Shimi

⁹ Chashna nijpimi, Jesusca cashna nirca: —Cunan punllami, cai huasipi causajcunataca quishpichishca. Cai runapish, ñaupa yaya Abrahampaj huahua huahuamari.

Lucas 19:9 Iomraidhean Croise

Lucas 13:16

Cai huarmica, Abrahampaj huahua huahuamari. Paitaca, chunga pusaj huatacunatami Satanasca huatashcata charicushca. Samana punlla cajpipish, chai huatashcamantaca cacharichinami cani– nirca.

Lucas 13:30

Chaipica, cunan puntapi cajcunaca, huashayachishcami cangacuna. Cunan huashaman cajcunaca puntapi churashcami cangacuna– nircami.

Lucas 16:24

Chaimi sinchita caparishpa: “Yaya Abraham, ñucata llaquihuayari. Lazarota cachapai yacupi paipaj dedota satishpa, ñuca c'allullatapish chiriyachichun, ñucaca caitaj ninapica jatun llaqui nanaitamari apacuni” nirca.

Lucas 16:30

charij runaca: “Chaicunata ricushpallaca mana cringacunaca. Ashtahuanpish huañushcacunapaj chaupimanta maijan causarishpa paicunaman huillajpimari, mana allita ruracushcataca saquishpa cutiringacuna” nircami.

Lucas 2:30

Quiquin cushca Quishpichijtaca, ñuca ñahuihuantajmi ricuni.

Lucas 3:8

Mana allita ruracushcata saquishpa cutirishcataj cashpaca alli causashpa ricuchichigari. “Ñucanchijca Abrahamtami yayata charinchij” nishpaca ama yuyaichijchu. Cashnami nini: Diosca, cai rumicunatapish Abrahampaj huahuacuna cachun rurai tucunmi.

Romanos 4:16

Chaimanta Dios cusha nishcataca, mana c'uyaipajta c'uyashpa cushca cachunmi, crijllapi pajtachin. Chaica Abrahampaj tucui huahua huahuacunapaj chashnataj cachunmi chashnaca pajtachin. Mana Mandashcata pajtachijcunapajllachu, ashtahuanpish Abraham crishca shina crijcunapajpishmi chashna pajtachin. Chaimantami Abrahamca tucui ñucanchijpaj yaya.

Gálatas 3:14

Abrahamman cushca allicunaca, Cristo Jesusmanta mana judiocunapajman chayachun, cusha nishca Espirituta, ñucanchijpish crishpa chasquichunmi chashna tucurca.

Gálatas 3:29

Cancuna Cristopaj cashpaca, Abrahampaj huahua huahuacunatajmi canguichij. Dios cusha nishcatapish japijcunami canguichij.

Gálatas 3:7

Chaimanta caita yachaichij. Maijanpish crijmi Abrahampaj huahuacunatajca.

1 Pedro 2:10

Cancunaca ñaupaca mana Diospaj pueblochu carcanguichij. Cunanca Diospaj pueblomi canguichij. Ñaupaca Dios mana llaquishcacunami carcanguichij. Cunanca Dios llaquishcacunami tucushcanguichij.