Lucas 19:8 - Dios Rimashca Shimicunami

⁸ Zaqueo shayarishpaca Mandaj Jesustaca: –Mandaj Jesús, ñuca charishcacunamanta chaupita imata mana charijcunaman cusha. Maijancunapajta umashpa shuhuashcataca chuscu cutinhuanmi tigrachisha– nirca.

Mushuj Testamento Diospaj Shimi

⁸ Chai qʼuipaca Zaqueoca, shayarishpami: —Riqui, Apu Jesús, ñuca charishcacunamanta chaupitami huajchacunaman cusha. Maijancunapajta umashpa shuhuashcataca, chuscu cutihuanmi tigrachisha— nircami.

Lucas 19:8 Iomraidhean Croise

2 SAMUEL 12:6

Chai huajcha runata mana llaquishpa, paipaj ovejata huañuchishcamantaca, chai charij runaca chuscu cutinhuanmi cutichina can– nirca.

SALMOS 41:1

Huajcha runa yuyailla cajca cushichishcami. Paitaca llaqui punllapica Mandaj Diosmi llaquimanta llujshichinga.

ÉXODO 20:16

Ama pitapish p'iñashpa manapish cashcata llullashpa llaquipi churangui.

PROVERBIOS 6:31

Shina cajpipish shuhuacujta japishpaca, shuhuacushcata canchis cutin yallihuanmi tigrachichincuna. Paipaj huasipi imalla charishcatamari cuna tucunga.

EZEQUIEL 33:15

Prendata quichushcatapish tigrachingachari, imallata shuhuashcatapish cutichingachari. Causanata yachachun quillcachishcapi nishca shina causashpa, millaita mana rurashpaca causangatajmi, manataj huañungachu.

NÚMEROS 5:7

Chai juchallijca pai juchallishcataca cashna rijsirichun. Maijanpajta imata llaquichishcataca tucuimanta pagachun. Chai jahua pichcahuan pagachun.

Lucas 11:41

Tucui imalla charishcamanta huajchacunaman cuna cashcata cujcunaca, chuyacunami canguichij.

Lucas 12:33

Ima charishcacunata c'atushpa, huajchacunaman cuichij. Jahua pachapi mana ismuj muchilapi huaquichishpa huiñaipaj charijyaichij. Chaipica shuhuapish mana shuhuanchu, polillapish mana micunchu.

Lucas 16:9

Ñucaca cancunataca cashnami nini: Cai pachallata yuyashpa charijyashcacunata shujtajcunaman cushpa paicunahuan alli apanacuj tucuichij. Chashna rurashca cajpimi cancuna illaj tucujpica jahua pachapi huiñaita causanapaj chasquinga.

Lucas 19:7

Chaita ricushpaca, juchayuj runapaj huasipimari pozanaman yaicun nishpami, tucuicuna juchachicurcacuna.

Lucas 7:13

Mandaj Jesusca chai viudata ricushpa llaquishpami: –Ama huacaichu– nirca.

Lucas 7:19

“¿Canchu chai shamuna cashcaca cangui, mana cashpaca shujtajtachu shuyana canchij?” nishpa tapugrichun Jesuspajman cacharca.

1 SAMUEL 12:3

Caipimi cani. Cancuna imamanta ñucata rimana cashpaca, Mandaj Diospaj ñaupajpi pai churashca jatun mandajpaj ñaupajpi huillahuaichijlla. Maijanpaj huagrata, maijanpaj burrota japishca cajpipish huillahuaichijlla. Maijanta yanga juchachij caj cashca cajpipish, maijanta llaquichij caj cashca cajpipish, mana cashpaca maijanpajta camarita japishcamanta ñahuita huichcashpa shujllaman tucuj caj cashca cajpipish huillahuaichijlla. Chaitaca cunan ñuca allichingapaj– nirca.